Ауылдың оқушылары планетаның ең үздік шахматшыларын көріп келді.

Хромтау ауданының Көктау, Аққұдық ауылдары және Ақтөбе қаласынан 15 бала шахматтан әлем Чемпионатында қонақ болып қайтты. Әлемдік біріншілік сәуір бойы Астанада өтті. Ауыл балалары дүниежүзінің үздіктері сайысқан шахматтан әлем чемпионатына Ақтөбе мыс компаниясының қолдауымен барып, көріп келді.

Балалардың барлығы шахматпен айналысады. Олардың ішінде бірі мектепте бір жыл бұрын ашылған үйірмеге қатысып, енді-енді ақ пен қара тақтайшаның әліпбиін үйреніп жатқан болса, бірі балалар және жасөспірімдер спорт мектебінің интеллектуалды спорт түріне қатысатын шахматшы жас жеңімпаздар. Бұл жас спортшылар - дүниежүзілік, республика біріншіліктерінде өздерін көрсете білген мықтылар.

Оқушылар көрермендер залынан шахмат тәжі үшін күресіп жатқан гроссмейстерлер Ян Непомнящий мен Дин Лиженнің ойынын тамашалай алды. Гроссмейстер Виорель Бологанмен 14-ші әлем чемпионы Владимир Крамниктің бір мезгілде өтіп жатқан ойын сеанстарына қатысу мүмкіндігіне ие болды. Тіптен, ақтөбелік балалардың бірі Қайыр Беристенов В.Крамникпен тең ойын көрсетті. Сондай-ақ, балалар елорданы аралап, экскурсиға шығып, Ұлттық музей мен Океанариумды көрді.

• 12.05.2023
• 130