Ералы Тоғжанов жастарды әлеуметтік бейімдеу орталығына барды

Ақтөбе облысының әкімі Ералы Тоғжанов «Мейірім» жастарды әлеуметтік бейімдеу орталығының жасөспірімдерімен кездесіп, орталықтың тыныс-тіршілігімен танысты.
 
Өңір басшысы мекемеге 23 компьютер, 17 велосипед сыйға тартып, жасөспірімдердің денсаулығын бақылау үшін емдеу кабинетін жабдықтап берді.
 
«Мейірім» орталығы 2017 жылдан бастап жұмыс істейді.  Онда 16-29 жас аралығындағы балалар үйінің түлектері тұрады. Негізі тұрғын үй ғимараты 80 адамды қабылдауға қауқарлы. 
 
Орталықта өмір сүруге қолайлы жағдай жасаумен қатар, жастарды қазіргі қоғамға бейімдеуге, педагогикалық, психологиялық-әлеуметтік қолдау көрсетуге ерекше көңіл бөлінген. 
 
Қазіргі уақытта орталықта 60 тәрбиеленуші тұрады, оның ішінде 27-і - студент, 32-сі - жұмыс істейтін жастар, 1 тәрбиеленуші - әскерде.
Айтып өту керек, соңғы 5 жылда 85 түлек «Отбасы банк» АҚ салымшылары ретінде жалдамалы тұрғын үйге ие болды.

• 15.05.2023
• 100