Қазақстан Республикасы Премьер-Министрінің орынбасары – Қаржы министрі Е.Жамаубаев: Елдің инвестициялық тартымдылығы - жаңа биіктерге жетуде.

Бүгін Қазақстан Республикасы Премьер-Министрінің орынбасары – Қаржы министрі Ерұлан Жамаубаев Азия және Тынық мұхиты өңірін дамыту институттары қауымдастығы (ADFIAP) қатысушыларының 46-шы кездесуі шеңберінде инфрақұрылымдық және ESG-жобаларға ірі инвесторлар конференциясының ашылуында ҚР Үкіметі атынан құттықтау сөз сөйледі.

ҚР Премьер-Министрінің орынбасары – Қаржы министрі өз сөзінде Қазақстанда өткізілетін Халықаралық конференцияның маңыздылығын атап өтіп, оның жоғары деңгейде табысты өтуіне сенім білдірді.  

Ерұлан Жамаубаев еліміздің инвестициялық тартымдылығын арттырудың және Қазақстан экономикасының өсуін арттыруда шетелдік инвестицияларды тартудың ерекше маңызын атап өтті.

Осыған байланысты, Қазақстан халықаралық деңгейде өзара тиімді экономикалық және инвестициялық ынтымақтастықты белсенді қолдайды.

Конференция Еуразиялық Даму Банкініңұйымдастыруымен Алматы қаласында өтуде.

Конференцияға 40 елден 240-тан астам делегаттар мен қонақтар: Оңтүстік-Шығыс Азия, Еуропалық Одақ, Латын Америкасы, Африка және Таяу Шығыстан, сондай-ақ Жаңа Зеландия, Канада, Түркия, Жапония, Қытай, Үндістан, Сауд Арабиясы, Ұлыбритания мен АҚШ-тан, сондай-ақ БҰҰ құрылымдарын қоса алғанда, халықаралық ұйымдардың өкілдері қатысуда.

• 15.05.2023
• 185