"Медиа этика және отбасылық құндылықтар" атты дөңгелек үстел өтті

15 мамыр Халықаралық отбасы күніне арналған «Медиа этика және отбасылық құндылықтар» атты дөңгелек үстел өтті.

Іс-шараға мемлекеттік органдардың, ғылыми-академиялық ортаның, медиа-саланың және сараптамалық қоғамдастықтың өкілдері қатысты.

Мақсат: отбасылық-тұрмыстық зорлық-зомбылықтың алдын алудың өзекті мәселелерін, оның ішінде қазіргі заманғы бұқаралық коммуникация құралдарын пайдалана отырып, БАҚ арқылы рухани-адамгершілік және отбасылық құндылықтарды насихаттау.

ҚР Ақпарат және қоғамдық даму вице-министрі Евгений Кочетов өзінің алғысөзінде қатысушыларды Халықаралық отбасы күнімен құттықтап, «Мерейлі отбасы» ұлттық конкурсына қатысу үшін құжаттарды қабылдаудың басталғаны туралы атап өтті.

Е.Кочетов: «Қазіргі уақытта ҚР АҚДМ отбасылық құндылықтарды ілгерілету, жанұя құру кезеңінде жас жұбайлармен, өмірлік қиын жағдайдағы отбасылармен жұмыс жасау бойынша кешенді шаралар жүргізуде. Осы орайда, өңірлерде отбасын қолдау орталықтары құрылып, некеге тұрған ерлі-зайыптыларға арналған жадынама әзірленіп, Отбасылық соттар жанында Психологиялық қолдау орталықтарын ашылып жатыр. Балалардың гаджеттерге тәуелділігін төмендету бойынша да жұмыс жүргізілуде және осы мәселелер заңнамалық тұрғыдан реттелуде»,- деді.

Бұдан бөлек, жиын барысында балалар мәселесін медиада қалай қауіпсіз жариялауға болатыны жөнінде практикалық нұсқаулық таныстырылып, БАҚ назарына жеткізілді.

Қорытындыда мемлекеттік органдар мен бұқаралық ақпарат құралдары жұмысына қатысты бірқатар ұсынымдар айтылды.

• 16.05.2023
• 228