Нұрлан Ноғаев: барлық инженерлік инфрақұрылым жүйелері мен объектілеріне инвентаризациялау, паспорттау жүргізу қажет

Өңір басшысы Нұрлан Ноғаевтың басшылығымен өткен аппараттық жиында инженерлік инфрақұрылым жүйелерінің объектілерін инвентаризациялау
 және паспорттау мәселесі қаралды. Маңғыстау облыстық қаржы басқармасының басшысы Светлана Нарешова жиында осы тақырып бойынша баяндама жасады, деп хабарлайды Маңғыстау облысы әкімінің баспасөз қызметі.  

Тұрғындарды жайлы өмір сүруі үшін электр энергиясымен, жылумен, газбен және сумен үздіксіз қамтамасыз ету өңірдегі маңызды мәселелердің бірі. 
Қазіргі уақытта қалалар мен ауылдарда коммуналдық-тұрмыстық мақсаттағы иесіз объектілер бар. Олардың меншік иесі мен пайдаланушы ұйымның болмауы, бұл объектілердің техникалық күйінің нашарлауына және авариялық жағдайлардың туындауына әкеп соғады. Сондықтан қазір аудан-қала әкімдіктері тиісті құзыретті органдармен бірге заңды белгіленбеген инженерлік желілердің құжаттарын қалпына келтіру және ресімдеу бойынша жұмыстар атқарылуда. Бұдан бөлек, облыстың газбен жабдықтау желілерін «ҚазТрансГазАймақ» АҚ балансына өткізу бойынша жұмыстар жүргізілуде.

- Инженерлік желілерді жергілікті басқаруға рәсімдеудің негізгі мақсаты - пайдаланусыз жатқан объектілерді азаматтық еркін айналымға тарту, олардың қалыпты, әрі қауіпсіз техникалық жұмысын қамтамасыз ету және коммуналдық инфрақұрылым объектілерін өңірлік деңгейде тиісті күтіп ұстау болып табылады, - деп атап өтті Маңғыстау облыстық қаржы басқармасының басшысы Светлана Нарешова. 

Оның айтуынша, облыс бойынша коммуналдық меншікте инженерлік инфрақұрылым желілерінің 1 113 бірлігі бар. Атап айтқанда: 
- газбен жабдықтау желілері-53 бірлік; 
- электр желілері-425 бірлік; 
- сумен жабдықтау желілері-216 бірлік;  
- жылумен жабдықтау желілері-139 бірлік; 
- автомобиль жолдары - 267 бірлік;  
- байланыс желілері-13 бірлік. 

Жиын барысында өңір басшысы Нұрлан Ноғаев облысқа Мемлекеттік қала құрылысы кадастры жүйесін енгізудің маңыздылығын атап өтті. 
- Мемлекеттік қала құрылысы кадастрының автоматтандырылған жүйесі елдімекендердің ағымдағы және жоспарлы дамуын ақпаратты қамтамасыз етудің негізгі құралдарының бірі болып табылады. Осыған байланысты инженерлік инфрақұрылымды пайдалануға толық тексеру және тиісті бақылауды ұйымдастыру қажет, бұл жұмыстарға барлық жауапты мемлекеттік органдарды тарту керек. Инженерлік желілер мен ескі объектілер туралы құжаттар дұрыс сақталмайды немесе мүлдем жоқ. Коммуналдық мүлік пен инженерлік желілердің арнайы картасын жасау және цифрландыру қажет, - деді Маңғыстау облысының әкімі.  

Айта кетейік, Ақтау қаласында ескірген жылу инженерлік желілерін ауыстыру жобасы басталды. Қазіргі таңда жылу желілерінің тозуы 88%-ды құрайды және оларды жаңарту жұмысы екі кезеңге жоспарлануда. Біріншісінде алғашқы сегіз шағын ауданның жылу желілері қайта жаңартылатын болады. Қалада барлығы 464 шақырымнан астам жылу желілері, 438 шақырымға жуық су құбыры және 329,6 шақырым кәріз желілері ауыстырылады деп жоспарлануда.

• 17.05.2023
• 117