Житиқарақомунэнерго» МКК-на 3,8 млн. теңге айыппұл салынды

Жітіқара қаласы тұрғынының өтініші негізінде, 2023 жылы Қазақстан Республикасы Ұлттық экономика министрлігі Табиғи монополияларды реттеу комитетінің Қостанай облысы бойынша департаменті «Жітіқаракоммунэнерго» МКК қызметінің Жітіқара қаласы, 4 шағынауданы, 29 үй мекенжайы бойынша жылумен жабдықтау қызметтері үшін төлемақыны есептеудің заңдылығы, сондай-ақ осы қызметтерді ұсыну сапасы бөлігінде Қазақстан Республикасы заңнамасының сақталуы тұрғысынан жоспардан тыс тексеру жүргізді.

Осы тексерудің нәтижелері бойынша, ТМРКД «Жітіқаракоммунэнерго» МКК жоғарыда көрсетілген мекенжай бойынша барлық жылыту кезеңі үшін нақты сыртқы ауаның температурасын ескере отырып, жылу энергиясын жеткіліксіз беру бөлігінде температуралық кестені бұзуға жол бергенін анықтады.

Осыған байланысты, «Жітіқаракоммунэнерго» МКК-на қатысты ҚР «Әкімшілік құқық бұзушылық туралы» кодексінің 164-бабының 4-бөлігі бойынша табиғи монополия субъектісінің міндеттерін орындамау бойынша әкімшілік іс қозғалды.

Жоғарыда көрсетілген әкімшілік істі қарау қорытындысы бойынша, 2023 жылғы 2 мамырда  Қостанай облысы Жітіқара аудандық сотының қаулысымен осы табиғи монополия субъектісі жалпы сомасы 3 864 000 теңгеге әкімшілік айыппұл салумен әкімшілік жауапкершілікке тартылды.

Сот шешімі заңды күшіне енген жоқ.

Департамент табиғи монополиялар субъектілерінің табиғи монополиялар туралы заңнама талаптарын сақтауын қамтамасыз етуге бағытталған жүйелі жұмыс жүргізеді.

• 18.05.2023
• 193