«Этносаралық шиеленістердің шығу себептері және оның алдын алу» тақырыбында семинар өтті

2023 жылғы 19 мамыр күні Түркістан қаласында аудан, қала әкімдерінің орынбасарлары мен ішкі саясат бөлімдерінің басшыларына, аудан, қала прокурорлары мен ішкі істер бөлімдерінің басшыларына, Түркістан облыстық «Қоғамдық келісім» КММ басшылары мен қызметкерлеріне арналған «Этносаралық шиеленістердің шығу себептері және оның алдын алу» тақырыбында семинар  өтті.

Семинар барысында этносаралық қатынастар саласының әртүрлі тақырыптары қарастырылды.

ҚР Ақпарат және қоғамдық даму министрлігі Этносаралық қатынастарды дамыту комитетінің төрағасы Ғалым Нұрмағамбетұлы Шойкин қатысушыларға этнос өкілдерінің қатысуымен инциденттер мен оқиғаларды болдырмау және олардың алдын алу бойынша жүргізілетін жұмыстардың негізгі құралдары мен механизмдері туралы ақпарат берді. Сонымен қатар этносаралық қатынастарды дамыту, тұрғындардың этносаяси сауаттылығын арттыру, этностық, тілдік және басқа да белгілеріне қарай кемсітушілікті болдырмаудың тең құқықтық қағидаттарын іске асыру саласында жұмысты ұйымдастырудың әдістері туралы кеңінен баяндады.

Қатысушылар қақтығыстардың алдын алу бойынша өздерін қызықтырған сауалдарын қойып, толық жауап алды.

• 19.05.2023
• 84