Экономикалық зерттеулер институтына 62 жыл!

ҚР ҰЭМ «Экономикалық зерттеулер институты» АҚ – тарихы терең, мұрасы мол ғылыми орталық. Ұйымда экономика, қаржы, өнеркәсіп және мемлекеттік басқару саласындағы жетекші мамандар Қазақстан экономикасының кешенді даму мәселелерін зерттейді. Институт 1961 жылы 11 мамырда құрылып, Қазақстан Республикасы Ұлттық экономика министрлігінің жанында жұмыс істейді. Бүгінде ұйым 62 жасқа толып отыр.

Институт өзінің дамыған ғылыми әлеуетімен өңірлік, елдік және әлемдік деңгейде жұмыс істейді.

Осылайша, ұйым өңірлік саясатты жүргізуге, сондай-ақ, елдің аумақтық-кеңістіктік және өңірлік дамуын айқындайтын бірқатар маңызды стратегиялық және бағдарламалық құжаттарды әзірлеуге белсенді ат салысады.

Сонымен қатар, Институт мемлекеттік бағдарламалар мен заң жобаларын әзірлеу жұмыстарына қатысып, заманауи экономикалық-математикалық модельдер негізінде елдегі экономикалық жағдайды бағалайды.

Жылдар бойы Институт Еуропалық Одақ және Орталық Азия елдерінің, сондай-ақ Жапония, Оңтүстік Корея, Қытай және Түркияның зерттеу ұйымдарымен ғылыми серіктестік орнату арқылы әлемдік деңгейдегі рөлін нығайтты.

2015 жылдан бастап Институт Пенсильвания университетінің (АҚШ) талдау орталықтары және азаматтық қоғам бағдарламасы (Think Tanks and Civil Society Program, TTCSP) жүргізетін рейтингтің қатысушысы. 2021 жылы ұйым Орталық Азия аймағындағы 58 талдау орталығының арасында алтыншы орынды иеленді. Бұл Институт жетістіктерінің аз ғана бөлігі.

Қазақстан Республикасы Ұлттық экономика министрлігі Институт ұжымын айтулы күнмен құттықтайды және жұмыста табыс тілейді!

• 19.05.2023
• 165