Нұрлан Ноғаев өңір ақсақалдарымен бас қосты

Өңір басшысы Нұрлан Ноғаев көптеген жылдар бойы облыстың игілігі үшін адал еңбек етіп, дамуына тікелей үлес қосқан аға буын өкілдерімен кездесу өткізді, деп хабарлайды Маңғыстау облысы әкімінің баспасөз қызметі. 

Кеңеске Маңғыстау облысы бойынша ардагерлер кеңесінің төрағалары, облыстық кеңес мүшелері, зейнеткерлер, қалалар мен аудандардың әкімдері, мәслихат депутаттары, сондай-ақ басқарма басшылары қатысты.
Кездесуде ақсақалдар еліміздегі көптеген азаматты толғандыратын негізгі мәселелер бойынша пікір алмасты. Бұл өскелең ұрпақты тәрбиелеу, ұлттық құндылықтарды сақтау және көбейтудің маңыздылығы.
Облыс әкімі саяси қызметте аға буынның тәжірибесі мен даналығына сүйену маңызды екенін атап өтті. Сондай-ақ, ол ақсақалдармен өңірді дамыту туралы жоспарларымен бөлісті. Экономика, инфрақұрылым мен әлеуметтік сала, инженерлік желілерді жөндеу және «МАЭК» жаңғыртуға, мектептер мен ауруханалар салуға көңіл бөлінгенін айтып кетті. 

-Мемлекет Басшысы Қасым-Жомарт Тоқаевтың демократиялық қағидаттары әділдікке, заңдылық пен тең құқыққа негізделген. Біздің дана ақсақалдарымыздың осы өте маңызды және жауапты істегі рөлі зор екені сөзсіз. Сондықтан біз әрдайым ақсақалдардың қолдауына мұқтажбыз. Кездесу барысында айтылған барлық ұсыныстар мен сұрақтар ескеріліп, облыстың даму жоспарына енгізілетін болады, - деді Нұрлан Ноғаев.

• 22.05.2023
• 144