Көкшетау қаласындағы "Білім-инновация" лицей-интернатының табысты түлектері

Ақмола облысы білім басқармасы «Білім-инновация» лицей-интернатының биылғы түлегі Есиркесинов Рамазанның сапалы білім алуға деген құлшынысы ағасы Ердәулеттің осы лицейге түскен кезінде оянған десек, қателеспеспіз. «Ағаны көріп, іні өсер» демекші, ағасының төрт тілде білім алып, түрлі деңгейдегі білім, спорт жарыстарының жеңімпазы болғанын көргеннен кейін, лицейге түсуді арман етіп, қалауына қол жеткізген еді. Ал ағасы лицейді жақсы аяқтап, Мәскеудегі    

Авиация институтына (МАИ) түскенде, алдына нақты мақсаттар қойды. Сол жолда ізденіспен тынбай еңбектеніп, математика, информатика, түрік тілінен өткен олимпиадаларға қатысып, жүлделі орындарға ие болды.  2021-2022 оқу жылы Түрік тілінен өткен олимпиадада 2-орын, 10-11 сыныптар арасында ұйымдастырылған  Бүкілресейлік IT - олимпиадасында 3-орын алды, 2022-2023 жылы математикадан өткен Халықаралық онлайн олимпиадасының 1-дәрежелі дипломын иеленді.

Рамазан лицейдің спорт және қоғамдық өміріне, еріктілер жобаларына да белсенді қатысты. Лицейдің өзін-өзі басқару ұйымының Еңбек министрі болды, төменгі сынып оқушыларына тәрбиешілік қызмет атқарды. Оның лицейішілік Экоклубтан бастау алған еріктілік белсенділігі Назарбаев Университеті мен Альфа-Академиясының "Hello Аul" және «International Еducation fair - 2022», «Guide ZOO» жобаларының еріктісі атандырды. «Climate Science - 2023» жартылай финалисі (жалғасуда). Елордамызда өткен «Әлемдік және дәстүрлі діндер» көшбасшыларының VII съезі және Рим папасының қасиетті мессасын өткізуге белсенді қатысқан үшін Астана қаласы әкімінің Алғыс хатымен марапатталды. Сонымен бірге, «72 сағат ағылшын тілін оқыту» және «Тіл паркі» жобасының  сапалы өткізілуіне өз үлесін қосты. Альфа-Академиясы ұйымдастырған "Ecobatyr" жобасының президенті болды.

Міне, осындай жетістіктер Рамазанның осыдан бес-алты жыл бұрын армандаған мақсаттарына қол жеткізуге жол ашты.

Бүгінде оқушымыз АҚШ, БАӘ, Кипр, Австралия, Индия мемлекеттеріндегі 13 оқу орнының жеңілдіктері мен шақыртуларын алғаны - бәріміз үшін қуанышты жағдай. Атап өтсек,

University of Cincinnati - 60000$ (35%),

Rochester University of Technology of Dubai - 40000$(35%),

Canisius University - 60000$,

Cyprus International University - 44000€,

Kadir Has University - 30000$,

Atilim University - 18000$,

European University of Lefke - 5000€(70%),

Middlesex University in Dubai - 20000$(30%),

Iowa State University – accepted,

British University in Dubai – accepted,

Webster University – accepted,

Bond University – accepted,

Amity University – accepted.

Халықаралық IELTS сынағынан 6.0 балл, SAT емтиханынан 1040 балл жинақтады.

Рамазан болашақта IT саласының маманы болмақ. Сол жолда сәттілік тілей келе, Қазақстанымыздың жарқын болашағына өз білімімен аянбай  үлес қосатынына сенім білдіреміз.

• 22.05.2023
• 123