Ақмола облысының әкімі Ақкөл ауданының тұрғындарымен кездесу өткізді

Ермек Маржықпаев Новорыбинка ауылында кезекті есеп беру кездесуін өткізіп, Ақкөл ауданы тұрғындарының толғандыратын сұрақтарына жауап берді.

Іс-шараға жергілікті атқарушы және аумақтық мемлекеттік органдардың басшылары қатысты.

Өңір басшысы тұрғындарды облыстың әлеуметтік-экономикалық дамуы туралы хабардар етті. 2023 жылдың бірінші тоқсанының қорытындысы бойынша облыс экономикасының негізгі салалары оң серпінді сақтауда, көптеген көрсеткіштер бойынша өсім қамтамасыз етілді.

Айта кетейік, соңғы 3 жыл ішінде еліміздің өңірлері бөлінісінде Ақмола облысы негізгі индикаторларды орындау бойынша көшбасшы орында тұр.

Ақкөл ауданының даму қорытындысы бойынша дамудың орташа динамикасы атап өтілді, үш индикатор орындалмады – негізгі капиталға инвестициялар, тұрғын үйлерді пайдалануға беру және құрылыс жұмыстарының көлемін азайту.

Облыс әкімі нысаналы индикаторлардың орындалуына қол жеткізуді тапсырды.

Кездесу барысында тұрғындар Новорыбинка ауылындағы жолды жөндеу сапасына, «Сенім» ЖШС медицина қызметкерлеріне арналған емдеу-сауықтыру орталығының құрылысы» объектісіне жол төсемін жөндеу қажеттілігіне қатысты сұрақтар қойды.

Жолаушылар көлігі және автомобиль жолдары басқарма басшысы Владимир Кулаковтың айтуынша, бұл мәселелер бақылауға алынды және мүмкіндігінше жақын арада шешілетін болады. Жалпы, жолдарды жөндеу сапасы мәселелері тұрақты бақылауда.

Облыс әкімі атап өткендей, биыл Кеңес, Новорыбинка ауылдарында, Урюпинка-Ерофеевка жол учаскесінде автомобиль жолдарын ағымдағы жөндеу, Ақкөл қаласында, Еңбек ауылында жолдарды орташа жөндеу, Ақкөл-Азат-Қайнар және жаңа Колутон – Азат – Минское бағытындағы жол учаскесін жөндеу жоспарланған. «Кеңес ауылдық округінің Домбыралы ауылына кірме жолды орташа жөндеу» объектісі бойынша ЖСҚ әзірлеуге, Ақкөл қаласындағы Иманов көшесіндегі жолды күрделі жөндеуге қаражат бөлінді.

Сондай-ақ, ауыл тұрғындары дәріхана пунктін ашуға және жедел жәрдем машинасын сатып алуға көмек сұрады.

"Ақкөл ауданының әлеуеті жоғары. Медициналық пунктпен және жедел жәрдеммен шешеміз. Дәріхана бойынша мәселе аудан әкімдігінің күшімен шешілетін болады", - деді Ермек Маржықпаев.

Айта кетейік, денсаулық сақтау саласында облыстық бюджеттен «Орталық аудандық аурухана ғимаратын күрделі жөндеуге» жобалық-сметалық құжаттаманы әзірлеуге 31 млн.теңге қарастырылған, «Ауылдық денсаулық сақтауды жаңғырту» ұлттық жобасы аясында Кына, Урюпинка және Новорыбинка ауылдарында амбулаториялық-емханалық ұйымдар салу жоспарлануда. Олардың құрылысына арналған жер учаскелері қазірдің өзінде анықталған.

«Мен үнемі біздің ауылдарға барамын, тұрғындардың мәселелерін білемін, бірақ барлық мәселелерді бір уақытта шешу мүмкін емес, сондықтан біз оларға кезең-кезеңімен жақындаймыз. Менің ойымша, ауыл тұрғындары бұл мәселелерге түсіністікпен қарайды», - деді әкім.

Сондай-ақ, облыс басшысы жергілікті бизнесті шетте қалмауға, ауылды дамыту үшін әлеуметтік және инфрақұрылымдық жобаларға белсенді қатысуға шақырды.

«Құрметті ақкөлдіктер, сіздің ауданыңызда халықты толғандыратын бірқатар мәселелер бар, олар сумен жабдықтау, жолдарды жөндеу, тұрғын үй-коммуналдық шаруашылық және әлеуметтік-еңбек саласы. Өкінішке орай, біздің облыстың барлық аудандары мен қалаларында барлық тараптар шешуге мүдделі жерлер мен пайларды пайдалана отырып, проблемалар бар. Бұл мәселелер үнемі бақылауда, біз оларды білеміз және кезең-кезеңімен шешеміз. Жұмыс жалғасады", - деп қорытындылады Е.Маржықпаев.

Халықпен кездесуден кейін азаматтарды жеке мәселелері бойынша қабылдау өткізілді.

• 22.05.2023
• 172