Батыс Қазақстан облысы Қазақстанның үшінші мұнай өндіруші өңірі болып табылады

Батыс Қазақстан облысы мұнай өндіру көлемі бойынша республиканың үшінші мұнай өндіруші өңірі болып табылады, оның үлесіне ҚР бойынша жалпы мұнай өндірудің 13,7%-ы келеді.

Мұнай және конденсат қорлары (геологиялық) шамамен 1 554,2 млн.тонна/329 млн.тоннаны құрайды. Келешекте 2029 жылға қарай өңірде мұнай өндіруді 13,1 млн. тоннаға дейін арттыру жоспарлануда, - деп хабарлады ҚР Энергетика вице-министрі Асхат Хасенов Батыс Қазақстан облысының тұрғындарымен кездесу барысында.

Қарашығанақ кен орнында өндіру деңгейін қолдау жобалары шеңберінде 5-ші компрессордың құрылысы жүргізілуде. 6-шы компрессордың құрылыс жобасын іске асыру басталды. 5-ші және 6-шы компрессорлардың жобаларын тиісінше 2025 және 2028 жылдары аяқтау жоспарлануда.

Сондай-ақ Асхат Хасенов өз баяндамасында халықты жанар-жағармай материалдарымен қамтамасыз ету мәселелеріне жеке тоқталды. Қазақстан жанар-жағармай бағасы ең төмен елдер тізіміне кіреді.

Мұнай өнімдерін көрші елдерге бақылаусыз әкетуді болдырмау үшін Министрлік ЖЖМ нарығын үздіксіз қамтамасыз ету бойынша барлық шараларды қабылдады:

- мұнай өнімдерін автомобиль көлігімен әкетуге тыйым салынды;

- ресурс иелерін жанармай құю станцияларына тікелей жеткізуге міндеттейтін заңнамалық нормалар қабылданды;

- мұнай және мұнай өнімдерін жеткізу жүйесінде өнімсіз делдалдарды алып тастау бойынша заңнамалық нормалар қабылданды;

- резиденттікке және жанармай құю көлеміне байланысты сараланған бағалар енгізілді.

Алайда Энергетика вице-министрі атап өткендей, бұл шаралардың барлығы тиісті нәтиже бермеді және ЖЖМ ішкі нарығын тұрақтандыру мақсатында Қазақстан мен көрші елдер арасындағы баға айырмашылығын төмендету қажет болды.

Министрлік Аи-92 және АИ-93 маркалы бензин бағасын 205 теңгеге дейін және дизель отыны (ДО) литріне 295 теңгеге дейін көтеру жөнінде бұйрық қабылдады.

Елімізде дизель отынының жиынтық қоры 286-дан 471 мың тоннаға дейін немесе қажеттіліктің 27 тәулігіне дейін ұлғайтылды.

ДО-сыз АЖҚС саны 574-тен 266-ға дейін немесе 18-ден 8,3%-ға дейін азайды (барлығы 3 191 АЖҚС).

Облыс бойынша 131 АЖҚС ішінен дизель отынысыз АЖҚС-тың саны 21-ден 2-ге дейін азайды.

Мұнай өнімдерін өндіру көлемін 2027 жылдың соңына дейін ұлғайту үшін МӨЗ-де мұнай өңдеу көлемін жылына 5,5 млн. тоннадан 6,7 млн. тоннаға дейін ұлғайту жөніндегі жобаны іске асыру жоспарлануда.

Бұдан басқа, Шымкент МӨЗ-нің жұмыс істеп тұрған қуатын 2029 жылға қарай 12 млн.тоннаға дейін кеңейту жоспарлануда.

• 24.05.2023
• 185