Ермек Маржықпаев Бурабай ауданының тұрғындарымен кездесу өткізді

Ақмола облысының әкімі Ермек Маржықпаев Бурабай ауданына жұмыс сапары барысында Катаркөл ауыл шаруашылығы колледжінің қызметімен танысты.

Оқу орнында білікті кадрларды даярлау үшін барлық жағдайлар жасалған. Сабақтар күндізгі және сырттай оқу түрінде келесі мамандықтар бойынша жүргізіледі: ветеринария, сүт өнімдерін өндіру, дәнекерлеу дело, есеп және аудит, менеджмент және т. б.

Мұнда халықпен есептік кездесу өтті.

Бурабай ауданы облыстың қарқынды дамып келе жатқан өңірлерінің бірі болып табылады. Аудан үшін ең алдымен курорттық аймақты дамытумен байланысты инфрақұрылымды дамыту басым болып қала береді.

Үш жыл ішінде ауданда 170 шақырымға жуық жол жөнделді.

2022 жылы жол желісін салуға және жөндеуге аудандық маңызы бар 45 шақырым жолды жақсартуға шамамен 2,5 млрд.теңге бағытталды, биыл 70 шақырымға жуық жол желісін жақсарту жоспарланған.

Бурабай кентінде ІІБ атқыштар взводының ғимаратына, Щучинск – Николаевка, Бурабай – Катаркөл жолдарының учаскелерінде жол салуға қаражат бөлінді. Ақылбай, Қызылағаш, Оқжетпес, Веденовка, Қарашілік, Қаражар, Шиелі, Обалы, Бурабай, Успенюрьевка, Златополье, Зеленый бор, Атамекен, Ұрымкай және Катаркөл ауылдарында жолдарға ағымдағы және орташа жөндеу жұмыстары жүргізілетін болады.

Сумен жабдықтау саласында Қатаркөл ауылының балаларды сауықтыру орталықтарының су құбырын салу және Наурызбай батыр, Веденовка, Ұрымқай ауылдарындағы су құбыры желілерін қайта жаңарту жоспарланған.

Жылумен жабдықтау саласында Щучинск қаласында жылу желілерін салу және реконструкциялау бойынша жобалар іске асырылуда, бұл қаланың екі шағын ауданын орталық жылытуға қосуға мүмкіндік береді.

Ағымдағы жылы Оқжетпес ауылында жылу желілерін салуға қаражат бөлінді.

Щучинск қаласында 45 пәтерлі жалға берілетін үй және екі 45 кредиттік үй құрылысы жүргізілуде. Сондай-ақ, сыртқы желілерді салу және бес қабатты 50 пәтерлі үйлерді абаттандыру басталды.

Жеке инвестициялар есебінен 2 тұрғын үйдің құрылысы басталды. Бурабай ауылында, Оқжетпес ауылында 350 үй және 150 таунхаус құрылыстары жүргізілуде.

Жобалау сатысында Щучинск қаласында үш тұрғын үйдің құрылысы.

"Биылғы жылы көптеген инфрақұрылымдық жобалар жоспарланған. Сондықтан аудан басшылығы салалық басқармалармен бірлесіп осы жобалардың іске асырылуын ерекше бақылауға алуы қажет", - деп атап өтті өңір басшысы.

Әлеуметтік салада 2022 жылы Мәдениет ауылындағы мектеп жөнделіп, Щучинск қаласындағы жоғары техникалық колледж ғимаратына күрделі жөндеу жүргізілді.  5 жаңа автобус сатып алынды.

"Жайлы мектептер" Ұлттық жобасы аясында ауданда 1200 орындық заманауи мектеп салынады.

Өткен жылы Қатаркөл, Златополье, Кенесары ауылдарында ауылдық клубтар салуға үш жобалау – сметалық құжаттама әзірленді.

Щучинск қаласында мәдениет үйінің құрылысы басталды. Зеленый бор ауылындағы мәдениет үйін жөндеу жоспарланған.

Ауданның сегіз елді мекенінде спорт алаңдары орнатылды. 10 ауылда көпфункционалды алаңдарды орнатуға қаржы бөлінді.

Кездесуде тұрғындар жолдарды жөндеу, Бурабай кентінде тұрақ орындарының жетіспеушілігі, маршруттық автобустардың қозғалысы, Бурабай кентінің дамуы, қоқыс шығару және т. б. мәселелерін көтерді.

"Ауданның курорттық екенін ескере отырып, барлық салаларды дамыту үшін барлық жағдайлар бар. Сондықтан аудан әкімдігі бизнеспен бірлесіп осы бағыттағы жұмысты жандандыруы қажет", - деп атап өтті облыс әкімі.

Халықпен кездесуден кейін азаматтарды жеке мәселелері бойынша қабылдау өткізілді.

• 29.05.2023
• 122