ҰЭМ басшысы Финляндияның Мемлекеттік хатшысының орынбасарымен кездесті

Алматы қаласында "Еуропалық Одақ – Орталық Азия" II экономикалық форумының алаңында ҚР Ұлттық экономика министрі Әлібек Қуантыров Финляндия Мемлекеттік хатшысының орынбасары Нина Васкунлахтимен және Финляндияның Қазақстан мен Қырғызстандағы Төтенше және Өкілетті Елшісі Сойли Мякеляйнен-Буханистпен кездесу өткізді.

Кездесу барысында өзара тауар айналымын ұлғайту, климаттың өзгеруіне қарсы күрес, білім беруді дамыту және сауда бағыттарын әртараптандыру, оның ішінде Транскаспий халықаралық көлік маршруты (Орта дәліз) шеңберінде дамыту мәселелері талқыланды.

ҰЭМ басшысы екіжақты қарым-қатынастарды нығайтудағы белсенді жұмыс пен жәрдемдесу екі ел арасындағы ынтымақтастықты дамытуға зор үлес қосатынына сенім білдірді.

Өз кезегінде, Н.Васкунлахти ханым Қазақстанмен екіжақты ынтымақтастықты жоғары бағалап, елімізде жүргізіліп жатқан әлеуметтік-экономикалық реформалардың уақтылылығын атап өтті.

• 30.05.2023
• 133