Сенатта мәслихаттармен өзара іс қимыл жөніндегі Кеңестің отырысы өтті

ҚР Ұлттық экономика министрі Әлібек Қуантыров өңірлерді дамыту бойынша қабылданып жатқан шаралар туралы айтып берді.

Ағымдағы жылдың наурыз айында ауылдық жерлерде жайлы өмір сүру ортасын құру мақсатында ҚР ауылдық аумақтарын дамытудың 2023-2027 жылдарға арналған Тұжырымдамасы мен Іс-қимыл жоспары бекітілді.

Негізгі бағыттар:

базалық қызметтер көрсетудегі диспропорцияларды қысқарту

ауыл халқының табыс деңгейін арттыру

ауылдық аумақтарды дамыту

Қабылданып жатқан кешенді шаралар 2027 жылға қарай: 

табысы ең төменгі күнкөріс деңгейінен төмен ауыл халқының үлесін 5,8%-ға дейін төмендету

жергілікті маңызы бар жолдардың 95%-ын нормативтік жағдайға дейін келтіру

ауыл халқының 100%-ын сумен жабдықтау қызметтерімен қамтамасыз ету

интернет желісін пайдаланушылардың үлесін 97%-ға дейін арттыруға

даму әлеуеті бар 3,5 мың ауылдың инфрақұрылымын жаңғырту

655 денсаулық сақтау нысанын, 183 мектеп, 100 спорт ғимаратын, 650-ге жуық мәдениет нысанын салуға мүмкіндік береді

«Ауыл – Ел бесігі» жобасы

Ағымдағы жылы 198 млрд.теңге бөлінеді

800 ауылда 1,8 мыңнан астам жобаны іске асыру жоспарлануда

«Дипломмен ауылға» жобасы

2023 жылға 20 млрд. теңге қарастырылған

Тұрғын үй сатып алу үшін 3,8 мың маман бюджеттік несие ала алады 

Ауылдық аумақтарды дамыту, оның ішінде 2021 жылы қабылданған Жергілікті өзін-өзі басқаруды дамытудың 2025 жылға дейінгі Тұжырымдамасы шеңберінде де жүзеге асырылады. Тұжырымдаманы іске асыру үшін «Жергілікті өзін-өзі басқару туралы» Заң жобасы әзірленді.

Ілеспе заң жобасы:

бюджеттің IV деңгейіне қосымша салықтар мен төлемдердің кейбір түрлері берілетін болады

бюджеттің IV деңгейіне мемлекеттік сатып алу рәсімдері оңайлатылатын болады 

Аудандар мен облыстық маңызы бар қалалардың әкімдерін сайлау

ағымдағы жылдың екінші жартыжылдығында әкімдер сайлауын пилоттық режимде өткізу жоспарлануда

облыстық мәслихаттардың депутаттары пилоттық аудандар мен қалалардың тізбесін, сондай-ақ сайлауды өткізу күнін бекітетін болады

Моноқалаларды дамыту

экономиканың шикізаттық емес секторларында 2,1 трлн. теңге сомасына 86 «зәкірлік» жоба іске асырылуда

ШОБ-ты дамыту жөніндегі іс-шаралардың іске асырылуы жалғасуда

ҰЭМ әкімдіктермен бірлесіп, 1,7 трлн. теңге сомасына әлеуметтік-экономикалық дамытудың 2023-2027 жылдарға арналған 10 кешенді жоспар әзірледі

жаңа кен орындарын барлау жүргізілуде

Кәсіпкерлікті дамыту

«Шағын және орта бизнестегі жұмыс істейтін адамдардың саны 4,1 млн-ды құрады. Бақылау-қадағалау функциялары 30%-ға қысқарды.«Таза парақтан» реформасы деп аталатын жаңа реттеуші саясат енгізілуде. Кәсіпкерлік қызметтің 44 саласында 10 мыңнан астам талаптар жойылады және қайта қаралатын болады», — деді ҰЭМ басшысы.

 2025 жылға дейін халықтың табысын арттыру бағдарламасы

өңірлік жұмыспен қамту карталары шеңберінде жұмыс орындарын құру

азаматтық қызметшілердің жекелеген санаттарының еңбекақысын арттыру және т.б.  

Мәслихаттардың мәртебесі мен дербестігін арттыру:

мәслихат хатшысының лауазымы мәслихат төрағасы болып аталды

бюджет қаражаты есебінен мәслихат депутаттарының біліктілігін арттыру көзделген

мәслихат депутаттарын сайлау кезінде мажоритарлық жүйе енгізілді

«Барлық деңгейдегі мәслихаттарға қосымша өкілеттіктер беру жоспарлануда – бұл әкімдердің халықпен кездесулерінде көтерілген проблемаларды шешуіне мониторинг жүргізу; депутаттардың әкімдіктің бюджеттік комиссияларының жұмысына қатысуы; қажет болған жағдайда бюджетті нақтылауға бастамашылық жасау құқығын беру; көтермелеудің түрлері мен тәртібін, сондай-ақ қоғамдық тәртіпті қамтамасыз етуге қатысатын азаматтарға ақшалай сыйақы мөлшерін айқындау. Сондай-ақ, мәслихат төрағасының және мәслихат аппараты басшысының әкімшілік және ұйымдастыру мәселелері бойынша өкілеттіктерінің аражігі нақтыланатын болады», — деп қорытындылады министр. 

• 30.05.2023
• 134