Бурабайда жазғы маусымға дайындық шарттары тексерілді

Ақмола облысы әкімінің орынбасары Елдос Рамазановтың төрағалығымен көшпелі штаб Бурабай курортында абаттандыру және санитарлық тазарту, сондай-ақ жазғы маусымға дайындық мәселелері бойынша жұмыс сапарымен болды. Бұл жұмыс апта сайын жүргізіледі.

Сапарға КжӨБ басшысының орынбасары Андрей Подгурский, Бурабай ауданы әкімінің орынбасары Бегахмет Махметов, "Бурабай" МҰТП директоры Сергей Быков, "Бурабай даму" ЖШС басшысының орынбасары Павел Горбачев, сондай – ақ бизнес және қоғамдық бірлестіктердің өкілдері қатысты.

Бурабай курортын аралау кезінде туристер көп жиналатын орындар, жағажайлар, демалыс аймақтары қаралды.

Сапар қорытындысы бойынша Елдос Рамазанов Бурабай ауданы әкімдігіне курортты абаттандыру бойынша бірқатар тапсырмалар берді: Бурабай кентінің орталық алаңына ағымдағы жөндеу жұмыстарын аяқтау; күн сайын Бурабай кентінің жол жиектерін жинау және жол  бөлігін жинау жұмыстарын жүргізу; күн сайын кездейсоқ жапсырылған парақшаларды, баннерлерді, плакаттарды тазалау жұмыстарын жүргізу; қосымша контейнерлерді және қоқыс жәшіктерін орнату.            

Сондай-ақ, "Бурабай Даму" ЖШС-на "Айнакөл" қонақ үйлері мен "Kasm"ЖК жалға алушысы арасындағы жаяу жүргіншілер жолы бойынша 2 санитарлық-гигиеналық торап орнату тапсырылды.

• 30.05.2023
• 111