Ақпарат және қоғамдық даму вице-министрі Евгений Кочетов Ақмола облысына жұмыс сапарымен барды

Ақпарат және қоғамдық даму вице-министрі жұмыс сапардың барысында Жастар ресурстық орталығы қызметімен танысты. Жастарға арналған “Жастарға қызмет көрсету орталығына” кеңес беру, жұмысқа орналастыру мәселелеріне тоқталды. Қызмет көрсету орталығының арнайы бос орындарды жариялайтын парақшалары, күн тәртібіне сай Халықты жұмыспен қамту орталығы, “Атамекен”, “Отбасы Банк” қызметкерлері кеңес береді.

Сонымен қатар, жастарды мемлекеттік қызметке тарту мақсатында Мемлекеттік қызмет істері агенттігінің Ақмола облыстық департаменті консультациялық кеңес көрсетеді.

Бұған қоса, көпбалалы аналармен кездесу өткізілді. Іс-шараға отбасы саясаты бойынша қызмет атқаратын “Асыл аналар”, “Альянс женских сил”, “Жизненный путь”, “Аналар үйі” сынды үкіметтік емес ұйымдарының мүшелері қатысты. Кездесу барысында көпбалалы аналар атқарылып келе жатқан жұмыстары жайында айтып, қолға алу керек және республика төңірегінде таратуға болатын жобаларды атап өтті.

Жұртшылықпен жүздесу барысында Евгений Кочетов министрліктің әрбір саласына жеке тоқталып, соның ішінде бұқаралық ақпарат саласында қабылданып жатқан жаңа заң жобасы, жастар саясаты тұжырымдамасына жеке тоқталып атап өтті.

Кездесу соңында тұрғындар өздерін толғандаратын сұрақтарын қойып, түрлі мәселелері бойынша вице-министрдің жеке қабылдауына жазылды.

Сондай-ақ, бұқаралық ақпарат өкілдеріне арнайы брифинг ұйымдастырылып, журналистер министрліктің жұмысы бойынша бірқатар сұрақтар қойып, оларға сәйкес жауаптар алды.

• 30.05.2023
• 153