Ақмола облысының әкімі Ермек Маржықпаев Сандықтау ауданының тұрғындарымен кездесу өткізді

Ауданның даму қарқыны туралы Ақмола облысының әкімі Ермек Маржықпаев Сандықтау ауданының тұрғындарымен есеп беру кездесуінде айтып берді.

Сандықтау ауданы аграрлық, мал шаруашылығын дамыту және жалпы ауыл шаруашылығы өнімдерін қайта өңдеу бойынша өңірдегі озық аудандардың бірі болып табылады.

Өнімнің жиынтық шығарылымы 90 млрд. теңгеден асады. 630 мың тонна дәнді дақылдар жиналды, ет өндірісі 4,1 мың тоннаға жетті, 22 мың тоннадан астам сүт өндірілді.

Агроөнеркәсіптік кешен саласында астық қоймаларын салу бойынша 3 инвестициялық жоба іске асырылды. Астықты, сүтті және етті мал шаруашылығын бастапқы өңдеу мен сақтауға, сүтті қайта өңдеуге және жерді суаруға қатысты 8 инвестициялық жобаны орындау жоспарланған.

Ауданның инфрақұрылымын дамытуға ерекше көңіл бөлінеді.

2022 жылы Веселое, Балкашино, Мәдениет және Максимовка ауылдарындағы кентішілік жолдар жөнделді. Балкашино ауылдық округінің көше-жол желісі, Балкашино ауылындағы тротуарлар жалпы ұзындығы шамамен 21,6 км жолды құрады.

Ағымдағы жылы Новоникольское ауылына кірме жолды, Балкашино ауылының тротуарларын, Петровка ауылының көше-жол желісін, Лесное ауылындағы кентішілік жолдарды жөндеу жоспарланған.

Сапалы жылу беру үшін аудан орталығында қазандыққа жөндеу жұмыстары жүргізілді.

Ұлан ауылында шамамен 11,5 км сумен жабдықтау желілері қайта жаңартылды. Белгород, Каменка және Новоромановка ауылдарында су құбыры желілерін салу жұмыстары жалғасуда.

Білім беру саласында Приозерное, Новоромановка, Қызыл-Қазақстан, Новоникольское, Богородка ауылдарындағы мектептерге жөндеу жүргізілді. Петровка ауылында 80 орындық мектеп құрылысы жүргізілуде.

Балкашино ауылындағы "Орталық" стадионын қайта құру аяқталды.

Жастардың бос уақытын өткізу орталығының құрылысын жалғастыруға қосымша қаражат бөлінді.

Кездесу барысында сандықтаудықтар медицина кадрларының жетіспеушілігіне, Шантөбе кентінде қазақ тілінде оқытатын сыныптардың ашылуына, "Сандықтау-Су" ШЖҚ КМК қызметкерлеріне зейнетақы аударымдарын төлеу бойынша өзекті мәселелерді айтты.

Өңір басшысы адамдардың тілегін тыңдап, барлық мәселелер біртіндеп шешілетін болатындығын атап өтті.

"Бізді үлкен бірлескен жұмыс күтіп тұр. Алға қойылған міндеттерге қол жеткізу үшін қоғам мен мемлекеттік органдар арасындағы тұрақты диалог маңызды",- деп атап өтті облыс басшысы.

• 30.05.2023
• 123