Қазақстанда 2020 жылдың қарашасы қандай болды

2020 жылдың қарашасын республиканың көптеген өңірлерінде қыстың басы деп санауға болады. Алайда, айдың бірінші онкүндігінде республиканың басым бөлігінде ауа райы аномальды жылы болды (климаттық нормадан 1-6°С жоғары). Елдің батысында ауа температурасы күндіз +15+22°С, солтүстікте, орталықта және шығыста +10+16°С, оңтүстікте +18+25°С жетті. Мұндай аномальды жылу Парсы шығанағы аудандарынан жылы ауа массаларының шығуымен байланысты болды.

09-13 қараша аралығында атмосфералық фронттардың өтуімен солтүстікте қар жауды, еліміздің оңтүстігінде жаңбыр, кей жерлерде қатты жаңбыр жауды, жел 15-26 м/с күшейіп, солтүстік өңірлерде бұрқасын болды. Мысалы, 11-12 қарашада Нұр-Сұлтан қаласында қар жауды, 2 тәулік ішінде 16 мм (бір айдағы норма 28 мм) түскен, ал Шымкент қаласында 09 қарашада 19 мм жаңбыр, 12 қарашада жауын-шашын (көбінесе қар) - 24 мм (норма 69 мм) түскен.

«Нағыз қыс» қараша айының ортасында келді, арктикалық суық ауа массаларының енуімен және Сібір антициклонының күшеюімен Қазақстанның барлық аумағында күннің айтарлықтай салқындауы байқалды. 17-22 қараша аралығында термометр бағаны шекті мәндерге дейін төмендеді: батыста - 12-16°С дейін, солтүстікте, орталықта және шығыста- 20-24°С дейін, оңтүстікте -12-21°С дейін. Оңтүстік аймақтардағы аномалия рекордтық мәнге ие болды (нормадан 10-19°C төмен).  Айдың соңында антициклонның орталығы елден тыс жерлерге жылжыды, сондықтан республиканың көптеген бөлігінде аяздың бәсеңдеуі байқалды.

Фронтальды бөліктердің өтуімен солтүстік өңірлерде тағы бұрқасынмен қар жауды (Нұр-Сұлтан қ. 29 қарашада 10 мм түсті), елдің басым бөлігінде жел 15-20 м/с күшейіп, екпіні 28 м/с дейін жетті.  Қарашаның соңында Қазақстан аумағына, республиканың батыс өңірлерін қоспағанда, аязды ауа райы оралды. Елдің солтүстік жартысында ауа температурасы түнде -15-23°С, оңтүстігінде - 8-16°С дейін төмендеді.

2020 жылғы 18 қарашада Нұр-Сұлтан қаласында ең төменгі ауа температурасы -20.9°С тіркелді (2016 жылғы 18 қарашадағы ең төменгі шекте -28,1°С). Ең жоғары ауа температурасы 06 қарашада +10.1°С (2006 жылы осы күннің ең жоғарғы шегі +14,8°С) байқалды.

• 11.12.2020
• 261