Жылыту маусымына дайындық бойынша облыста атқарылып жатқан жұмыстар жайлы ақпарат

Аймақтағы жеті жылу электр станциясында 45 қазандық пен 29 турбинаны жөндеу жоспарланған. Сондай-ақ 88 км жылумен жабдықтау желілерін және 2 мың км электр желілерін ауыстырамыз.

Теміртаудағы жөндеу жұмыстары ерекше назарға алынған. Мұнда 29 км құбыр ауыстырылып, қалалық 2-ЖЭО-да қазандықтар жөнделіп, жаңа жетінші қазандықтың құрылысы жалғасады.

Біз жұмыстардың кестеге сай атқарылуын қатаң қадағалап отырмыз.

Соңғы уақытта Қарағандыда жылу тапшылығы байқалуда. Бұл ең алдымен тұрғын үйлердің белсенді салынуына байланысты орын алып отыр. Аталған мәселені шешу үшін біз үшінші жылу құбырын салып жатырмыз. Бұл жаңа шағын аудандарды сапалы жылумен қамтамасыз етуге мүмкіндік береді.

Жалпы алғанда, негізгі мақсатымыз аймақта жылыту кезеңінің тұрақты өтуін қамтамасыз ету.

Бұл үшін Қарағанды, Теміртау, Балқаш және Саран қалаларында 33,5 млрд теңге сомасына ұзындығы 19,6 км жылумен жабдықтау желілерін реконструкциялау және салу бойынша 17 жоба іске асырылатын болады. Аталған жұмыстар облыстың басқа да қалаларында жүргізіледі.

Сондай-ақ біз халықты сапалы ауыз сумен қамтамасыз ету мәселесін кезең-кезеңімен шешіп жатырмыз. 2025 жылға қарай облыс тұрғындарының 100% орталықтандырылған ауыз сумен қамтамасыз ету қажет.

Атқарылатын жұмыстардың ауқымы үлкен. Бұл ретте халық үшін аса маңызды мәселелерді шешуге басымдық береміз. Қалған мәселелер де біртіндеп ретке келтіріледі. Әкімдерге жылыту кезеңіне дайындық мәселелерін ерекше назарда ұстау тапсырылды.

• 30.05.2023
• 187