БҰҰ ОДМ «Бейбітшілік» бағыты бойынша ведомствоаралық жұмыс тобының отырысы өтті

2023 жылғы 24 мамырда онлайн форматта «Бейбітшілік» бағыты бойынша Қазақстанда 2030 жылға дейінгі Орнықты даму мақсаттарын (ОДМ) енгізу және іске асыру жөніндегі ведомствоаралық жұмыс тобының (ВАЖТ) кезекті отырысы өтті.

Отырысты ашқан ҚР Ақпарат және қоғамдық даму министрлігі Азаматтық қоғам істері комитетінің төрағасы Қожахмет Мадияр Дүйсенбайұлы 2023 жылға арналған ОДМ іске асыру жөніндегі бірінші кезектегі шаралар жоспарын іске асыру шеңберінде жүйелі жұмыс жүргізіліп жатқанын атап өтіп, кездесудің күн тәртібіндегі негізгі мәселелерді атап өтті.

Отырыс шеңберінде ОДМ №16 міндеттерін тиімді іске асыруға және мемлекеттік жоспарлаудың жаңа жүйесіне (МЖЖ) көшуді ескере отырып, олардың индикаторларын өзектендіруге қатысты мәселелер қаралды.

Сонымен қатар, ҚР Бас прокуратурасының, ҚР Ішкі Істер министрлігінің және ҚР Сыбайлас жемқорлыққа қарсы іс-қимыл агенттігінің өкілдері ОДМ-нің өз бағыттары бойынша жетістіктері туралы баяндама жасады.

Өз сөзінде ҚР Ішкі істер министрлігі Әкімшілік полиция комитетінің ерекше тапсырмалар жөніндегі аға инспекторы Серікбаева Ақмарал «2021-2023 жылдардағы қасақана кісі өлтіруге қарсы іс-қимыл жөніндегі» жол картасын іске асыру елдегі қасақана кісі өлтіруден болатын өлім-жітімді едәуір төмендетуге мүмкіндік бергенін атап өтті (ағымдағы жылдың 4 айында кісі өлтіру саны өткен жылдың сәйкес кезеңімен салыстырғанда 55% - ға аз болған).

ҚР Сыбайлас жемқорлыққа қарсы іс-қимыл агенттігінің аса маңызды істер жөніндегі офицері Жансейт Азамат отырысқа қатысушыларды елдегі сыбайлас жемқорлық деңгейін төмендету жөніндегі ведомствоның қызметі туралы таныстырды. Сыбайлас жемқорлыққа қарсы іс-қимылды өлшейтін ОДМ кейбір индикаторларының өзектілігін қайта қарау ұсынылды.

«Экономикалық зерттеулер институты» АҚ Орнықты даму мақсаттары жөніндегі хатшылықтың директоры Хамбар Бақытгүл баяндама жасады. Ол ОДМ міндеттерін іске асырудың өзекті мәселелеріне тоқталды, мысалы, ОДМ ұлттық индикаторларын ОДМ құжаттарына толық интеграцияламау және жергілікті деңгейде ОДМ іске асыру тетігін жеткіліксіз пысықтау.

Осыған байланысты Ұлттық индикаторларға тексеру жүргізу және жергілікті деңгейдегі МЖЖ құжаттарына интеграциялануы тиіс индикаторларды айқындау қажеттігі атап өтілді.

Отырыс қорытындысы бойынша Қожахмет Мадияр барлық жиынға қатысушыларға алғысын білдіріп, міндеттелген жұмысты одан әрі нәтижелі орындауға шақырды.

• 31.05.2023
• 195