"Арселор Миттал Теміртау" АҚ-ға 4 млн. теңгеге жуық айыппұл салынды

«Арселор Миттал Теміртау» АҚ жылу энергиясын өндіру, сондай-ақ сарқынды суларды бұру қызметтері бойынша Қарағанды облысы бойынша табиғи монополиялар субъектілерінің мемлекеттік тіркелімінің жергілікті бөлімінде тұрғаны белгілі.

Теміртау қаласының Прокуратурасы Табиғи монополияларды реттеу комитетінің Қарағанды облысы бойынша департаментінің мамандарын тарта отырып, «Арселор Миттал Теміртау» АҚ қызметіне тексеру жүргізді, оның барысында табиғи монополия субъектісінің сатып алу тәртібін бұзушылықтар анықталды.

Нәтижесінде, Теміртау қаласының прокуратурасы Қарағанды облысы бойынша ТМРКД атына заң бұзушылықтарды жою туралы ұсыныс шығарды, соның негізінде ТМРА «Әкімшілік құқық бұзушылықтар туралы»  Қазақстан Республикасы Кодексінің 164-бабының 4-бөлігі бойынша әкімшілік іс қозғады, ол монополистің өтініші бойынша соттың қарауына берілді.

Осылайша, 2023 жылғы 11 мамырда Теміртау қаласының әкімшілік құқық бұзушылықтар жөніндегі мамандандырылған сотының қаулысымен «Арселор Миттал Теміртау» АҚ  «Табиғи монополиялар туралы» Қазақстан Республикасының Заңын бұзғаны үшін 3 864 000 (үш миллион сегіз жүз алпыс төрт мың) теңге мөлшерінде айыппұл түрінде әкімшілік жаза қолданылып, әкімшілік жауапкершілікке тартылды.

Теміртау қаласының әкімшілік құқық бұзушылық жөніндегі мамандандырылған сотының қаулысына қаулының көшірмесі тапсырылған күннен бастап он тәулік ішінде шағым жасалуы мүмкін.

• 31.05.2023
• 155