Еліміздің барлық өңірлерінде қоғамдық қабылдаулар өтті

Ағымдағы жылдың 2 мамырында еліміздің барлық өңірлерінде  ҚР ҰЭМ Табиғи монополияларды реттеу комитетінің аумақтық департаменттері Facebook-тегі ресми парақшаларда трансляциялау арқылы коммуналдық қызметтерді тұтынушылар үшін кезекті қоғамдық қабылдауларды онлайн-режимде өткізді.

ТМРК-ның өзінде қоғамдық қабылдау төрағаның орынбасары Нұрлан Болатбаевтың төрағалығымен және ведомство мамандарының қатысуымен өтті.

Қоғамдық қабылдау барысында ТМРК қызметкерлері «Электр энергетикасы туралы» Заңға енгізілген өзгерістерге байланысты заңға тәуелді құқықтық актілерге қабылданатын түзетулер туралы, сондай-ақ Мемлекет басшысының тапсырмасына сәйкес жаңа тарифтік саясатты іске асыруға бағытталған атқарылған жұмыстар туралы айтып берді.

Бұдан басқа, ТЖ қызметтеріне тарифтердегі соңғы өзгерістер, су, жылу, электрмен жабдықтау және т. б. салаларда ТМС-тің келіп түскен өтінімдері туралы мәліметтер айтылды.

• 06.06.2023
• 186