ТМРК басшысы NARUC вебинарына қатысты

Екі күн бойы – а.ж. 10-11 желтоқсанда Коммуналдық кәсіпорындарды реттеу жөніндегі комиссия мүшелерінің Ұлттық қауымдастығы (NARUC) ұйымдастырған «Реттеуші органның рөлі, құрылымы және функциялары» тақырыбында вебинар өтті.

NARUC екі күндік вебинарын Орталық Азиядағы реттеу саласындағы Серіктестік бағдарламасы аясында АҚШ Халықаралық даму агенттігінің (USAID) қолдауымен өткізді.

Орталық Азиядағы энергетиканы реттеу саласындағы әріптестіктің жалпы мақсаты өңірлік әріптестерге реттеудің негізгі салаларындағы озық практикаларға шолу жасау және ұлттық реттеуші органдар мен шешім қабылдайтын басқа да негізгі тұлғалар арасында ортақ түсінік қалыптастыру болып табылады.

Осы іс-шара да Орталық Азиядағы реттеуші органдар мен тиісті министрліктерге энергетиканы реттеудің сенімді ортасын құру үшін озық практикаларды әзірлеуде қолдау көрсетуге бағытталған.

Вебинарға USAID және NARUC Орталық Азиядағы реттеу саласындағы әріптестігіне кіретін Қазақстан, Өзбекстан, Қырғыз Республикасы, Тәжікстан және Түрікменстан сияқты энергетика саласындағы реттеумен, инфрақұрылыммен, шығындарды көрсететін тарифтермен және субсидиялармен байланысты ұқсас проблемалары бар елдер қатысты.

Қазақстан атынан вебинарға ҚР ҰЭМ Табиғи монополияларды реттеу комитетінің басшысы Асан Дарбаев қатысты, ол Қазақстандағы энергетика саласын мемлекеттік реттеу, тарифтік реттеушінің рөлі, ТМРК қызметінің негізгі бағыттары туралы баяндама жасады.

  Асан Дарбаев өз сөзінің басында NARUC және USAID өкілдеріне энергетиканы реттеудің сенімді ортасын құру үшін озық практикаларды әзірлеуде Орталық Азия елдерін қолдауға бағытталған осындай маңызды іс-шараны ұйымдастырғаны үшін алғыс айтты.

Содан кейін Қазақстандағы электр энергиясының нарығы туралы және Тарифтік ведомствоның оны реттеудегі рөлі туралы егжей-тегжейлі айтып берді.

«Бұл вебинар біздің елдеріміз арасындағы ұзақ мерзімді ынтымақтастықтың бастауы болатын қызықты пікірталастар алаңына айналады деп үміттенемін», - деп атап өтті Тарифтік реттеушінің басшысы өз сөзінің соңында.

Бұдан әрі Орталық Азияның басқа да елдері осындай маңызды нарықтағы реттеудің практикалық мысалдарын ұсынды.

Екі күндік вебинардың өзі Орталық Азиядан келген түрлі модельдерді талқылау арқылы Америка Құрама Штаттары мен Канададан келген модельдерді пайдалана отырып, реттеу құрылымына қатысты барлық мәселелер бойынша презентациялар, практикалық мысалдар және пікірталастарды қамтыды.

Сәйкесінше, Америка Құрама Штаттары мен Канададан келген реттеуші органдардың сарапшылары мен өкілдері өздерінің практикалық тәжірибелерімен бөлісті.

Вебинар қатысушылары нормативтік құқықтық базаға, реттеуші органның бейтараптығы мәселелері бойынша шешімдер қабылдау процесіне қоғамның қатысуына қатысты және басқа да қызықты мәселелерді қарастырды.

Баяндамашылардың презентацияларының қорытындысы бойынша, қатысушылар Орталық Азия елдерінің (Қазақстан, Өзбекстан, Қырғыз Республикасы және Тәжікстан) энергетика саласындағы реттеумен, инфрақұрылыммен, тарифтермен және субсидиялармен байланысты проблемаларын және оларды шешу мүмкіндіктерін талқылады.

• 11.12.2020
• 298