Комитет төрағасы француз компаниясымен елдің тұрғын үй-коммуналдық шаруашылық саласына инвестицияларды салуды талқылады

Қазақстан Республикасы Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық істері комитетінің төрағасы Жайымбетов Мархабат Жайымбетұлы француздық Agence Française de Développement (AFD - Француз даму агенттігі) компаниясының өкілдерімен келіссөздер жүргізді.

Кездесуде тұрғын үй-коммуналдық шаруашылығы саласына инвестицияларды тарту, экологиялық және тұрақты дамуға ықпал ететін секторларды қаржыландыру қажеттілігі, сондай-ақ екіжақты ынтымақтастықтың басқа да әлеуетті салалары талқыланды. Агенттіктің Орталық Азия бойынша директоры Вансан Копен бастаған AFD өкілдері Қазақстанның қажеттіліктерін қанағаттандыру үшін ынтымақтастыққа қызығушылығын танытты.

Agence Française de Développement (AFD) - 1941 жылы құрылған француз агенттігі және әлемдегі ең ежелгі даму институты. Орталық Азиядағы белсенді жұмысты 2015 жылдан бастап жүргізіліп келеді. Агенттік тарапынан соңғы жылдары аймаққа инклюзивті және тұрақты экономиканы қолдайтын жобаларды дамыту мақсатында шамамен 600 миллион еуро инвестиция бөлінген.

• 11.12.2020
• 308