Ұлттық экономика министрі Астана Халықаралық форумы алаңында шетелдік БАҚ өкілдеріне сұхбат берді

Әлібек Қуантыров өз сөзінде AIF халықаралық қатынастарды нығайтуға және Шығыс пен Батыс арасындағы көпірге айналуға, экономикалық жағынан ғана емес, дипломатиялық және саяси жағынан да дамудың жаңа жолын белгілеуге арналғанын атап өтті.

«Бұл ең алдымен инвестициялық ахуалдың жақсаруына ықпал етеді. Елге тартылатын шетелдік инвестицияның экономиканың дамуына тигізер септігі мол болмақ. Сондай-ақ, туристік әлеуетті арттырып, Қазақстан үшін тиімді экономикалық саясатты қалыптастырады» - деді ҰЭМ басшысы.

Сонымен қатар, министр шетелдік тілшілердің сұрақтарына жауап берді. Атап айтқанда, АҚШ пен Еуропаның санкциялық саясаты бойынша Қазақстанның ұстанымы, ел экономикасына салынған тікелей шетелдік инвестициялар, Транскаспий халықаралық көлік дәлізін дамыту, Қазақстанның шет елдермен екіжақты қарым-қатынастары, жүзеге асырылып жатқан әлеуметтік-экономикалық реформалар және т. б. тақырыптар қозғалды.

• 09.06.2023
• 213