ҚР Ауыл шаруашылығы министрінің Ақмола облысына жұмыс сапары

         2020 жылғы 10 желтоқсанда Қазақстан Республикасының Ауыл шаруашылығы министрі Сапархан Омаров Көкшетау қаласына жұмыс сапарымен барды. Өңір басшысы Ермек Маржықпаевпен бірге олар "KazRost engineering Ltd" ЖШС, "Sinegor-Grain" ЖШС және "Гормолзавод"ЖШС компанияларында болды.

        "KazRost engineering Ltd" ЖШС астық жинау комбайндарын өндіретін зауыт Vector410KZ және Acros маркалы комбайндар шығарады. Кәсіпорын директорының айтуынша, өндіріс көлемін жылына 800 комбайнға дейін арттыру жоспарланған. Жобаның құны-7,5 млрд. теңгеден астам.

         Жыл басынан бері 480 бірлік жоғары өнімді комбайн жиналды. Бір комбайнның құны 40-50 миллион теңгені құрайды.

         Ауыл шаруашылығы министрі "Sinegor-Grain"ЖШС-на барды. Кәсіпорын дәнді және майлы дақылдарды сақтауға және өңдеуге бағытталған. Диірмен кешені Ресей Федерациясы, Түркия өндірісінің инновациялық жабдығымен жабдықталған. Астық және майлы дақылдарды бір мезгілде қабылдай алатын екі бірегей қабылдау-өңдеу желісі бар. Элеватордың сыйымдылығы — 30 мың тонна сақтау, диірменнің қуаты-тәулігіне 160 мың тонна.

         Кәсіпорын басшысының айтуынша, екі жыл ішінде майлы дақылдарды өңдеу және май өндіру желісін іске қосу жоспарланған.

         Сондай-ақ, облыс орталығында министр "Гормолзавод" ЖШС-да болды. Желтоқсан айының басында кәсіпорында ашыған сүт және қаймағы алынбаған сүт өнімдерін өндіру бойынша желілерді орната отырып, қуаты тәулігіне 50 тонна жаңа цех іске қосылды. Зауыт СleverMachines компаниясының итальяндық жабдығымен жабдықталған. Инвестиция көлемі 1,5 млрд.теңгені құрайды.

         Жұмыс сапарының соңында ауыл шаруашылығы министрі С.Омаров агроөнеркәсіптік кешенді дамыту үшін мемлекет тарапынан жан-жақты қолдау көрсетіліп жатқанын атап өтті.

• 11.12.2020
• 322