ТМРК басшысы «Astana Finance Days 2023» алаңында сөз сөйледі

2023 жылғы 7 маусымда Табиғи монополияларды реттеу комитетінің төрағасы Асан Дарбаев «Энергетикаға инвестициялар: тұрақты болашаққа арналған Smart Grid технологиялары» атты панельдік сессиясы шеңберінде «Astana Finance Days 2023» алаңында сөз сөйледі.

Сессияда электр энергетикасы саласындағы өзекті тақырыптар, соның ішінде Smart Grid технологиясын пайдалану, пилоттық жобалар мен рефераттық модельдер, жасыл технологиялар, сондай-ақ Азия Даму Банкінің, Еуропалық Қайта Құру және Даму Банкінің осы саладағы рөлі талқыланды.

Сессия барысында ТМРК басшысы Асан Дарбаев Комитеттің электр энергетикасы саласындағы тарифтік саясат жөніндегі көзқарасымен бөлісті, негізгі міндеттерді белгіледі, сондай-ақ «Тарифті инвестицияларға айырбастау» бағдарламасына көшудің ағымдағы мәртебесі және табиғи монополиялар субъектілерінің қызметін цифрландыру бойынша жүргізіліп жатқан жұмыстар туралы айтты.

Асан Дарбаев тарифтік ведомствоның басты міндеттері мен бағыттарының бірі тұтынушылар мен табиғи монополиялар субъектілерінің мүдделерін сақтау, сондай-ақ монополист субъектілердің инвестициялық бағдарламаларды іске асыруға бағытталған қаражатты мақсатты пайдалануына бақылауды жүзеге асыру болып табылатынын атап өтті.

 AFD — бұл  Еуразиялық өңірдің жыл сайынғы қаржы конференциясы, ол 2018 жылдан бастап мемлекеттік органдардың өкілдері, қаржы саласының сарапшылары, инвесторлар мен бизнес басшылары үшін, оның шеңберінде қаржы саласының қазіргі заманғы проблемалары, үрдістері мен мүмкіндіктері талқыланатын платформа ретінде қызмет ететінін естеріңізге сала кетейік.

• 09.06.2023
• 215