Энергетикалық қадағалау комитетінің өкілдері Абай облысының және Шығыс Қазақстан облысының ЖЭО - ға барды

2023 жылғы 7-9 маусым аралығында Қазақстан Республикасы Энергетика министрлігі Атомдық және энергетикалық қадағалау мен бақылау комитеті төрағасының орынбасары Илья Рожков энергетикалық кәсіпорындардың алдағы жылыту маусымына дайындығын бақылау шеңберінде Абай облысы мен Шығыс Қазақстан облысының ЖЭО - ға барды.

Объектілерге барғанда және ЖЭО басшыларымен өткен кеңестерде мынадай проблемалық мәселелер анықталды.

Семей қаласының «Теплокоммунэнерго» МКК ЖЭО-да тендерлік рәсімдердің ұзаққа созылуына байланысты сәуір айынан бастап жоспарланған № 5 қазандықты кеңейтілген-ағымдағы жөндеу әлі басталмаған. Сондай-ақ, «Ғаббасов» және «Центр» қазандықтарында қуаты 20 Гкал/сағ болатын екі қазандықты монтаждау кешеуілдеп жатыр. Бұл қазандықтарды жылыту маусымы басталғанға дейін енгізу осы жылу көздерінің тізбегіндегі жылу энергиясының тапшылығын азайтуға мүмкіндік береді.

«Согра» ЖЭО бойынша жоспарлы жөндеуде № 2 турбина 17 шілдеге дейін және авариялық жөндеуде № 1 турбина тұр. № 1 қазандық бойынша ағымдағы жөндеу аяқталған, № 3 қазандықтың ағымдағы жөндеуі 28 шілдеге дейін жоспарлануда. № 2 қазандықты ағымдағы жөндеу тамыз айының басынан 29 қыркүйекке дейін жүргізілген. Жедел персоналдың толық жинақталмауы ЖЭО жұмысының сенімділігінің төмендеуіне әсер етеді.

«Риддер» ЖЭО бойынша жөндеу жұмыстарын «Перспективалық технологиялар» ЖШС бас мердігері жүргізеді. «ДМ Энерджи» ЖШС және «ДимСтрой» ЖШС қосалқы мердігерлік ұйымдарын қоса алғанда, жөндеу персоналының саны 100-ден астам адамды құрайды, жұмыстар тәулік бойы жүргізілуде. Қазандықтардың ауа жылытқышын жөндеуге арналған құбырды жеткізу маусымның ортасынан бастап жоспарланған. ЖЭО басшылығына және Шығыс Қазақстан облысы бойынша Атомдық және энергетикалық қадағалау мен бақылау комитетінің аумақтық департаментіне жұмыстардың орындалуын бақылауды күшейту, сондай-ақ багерлік сорғыны жөндеу және күл үйіндісін тазарту жөніндегі көлемдерді мердігер ұйымдарға бекітуді жеделдету ұсынылды.

Өскемен ЖЭО-да түтін құбырын жөндеу және шығарындылар мониторингінің автоматты жүйесін орнату бойынша екі апталық жұмыс басталған. Желдеткіш салқындатқыш мұнараға жөндеу жұмыстары жүргізілуде. Негізгі жабдықты жөндеу мерзімдері «Екібастұзтеплоэнергомонтаж» ЖШС мердігер ұйымының ұзақ уақыт жұмылдырылуына және тендерлік рәсімдердің өткізілуіне байланысты ұлғаяды. Мәселен, № 11 қазандықты күрделі жөндеуді және № 12 қазандықты ағымдағы жөндеуді аяқтау 15 шілдеге дейін 3 аптаға ұзартылады. Жөндеу жұмыстарының көлемінің ұлғаюына байланысты белгіленген мерзімнен бір аптадан кейін № 7 турбинаны жөндеу аяқталады. № 13 және 15 қазандықтарды жөндеу бойынша мердігер ұйым әлі анықталмаған, дегенмен жөндеу жұмыстары ертең басталуы керек. ЖЭО басшылығының назары жөндеу персоналының санын көбейту қажеттілігіне аударылды, өйткені қазіргі уақытта № 11 қазандықта тек 15 адам жұмыс істейді.

Облыстың энергетикалық кәсіпорындарын жылыту маусымына дайындау барысы Энергетикалық қадағалау комитетінің өңірлік департаменттерінің тұрақты бақылауында.

• 09.06.2023
• 82