«Қазақы ізеттіліктің заманауи дамуы» атты халықаралық ғылыми практикалық конференциясы өтті

2023 жылғы 9 маусымда Алматы қаласының Достық Үйінде «Қазақы ізеттіліктің заманауи дамуы» атты халықаралық ғылыми практикалық конференциясы өтті.

Іс-шараға ҚР Ақпарат және қоғамдық даму министрлігінің Этносаралық қатынастарды дамыту комитетінің төрағасы Ғалым Шойкин, ҚР Парламенті Мәжілісінің депутаты Ирина Смирнова, «Intellect7G - эксперттер мен кеңесшілер қоғамы» РҚБ  президенті Еликулова Маржан, жазушы, академик, медицина және педагогика ғылымдарының докторы, профессор Совет-хан Ғаббасов, жазушы, редактор Қытай мемлекеттік әдеби сыйлығының екі мәрте иегері Жұмабай Біләлұлы, Баян-Өлгей аймағының бұқаралық радио-теледидарының директоры Оспан Нәби, Қазақстанның және шет елдердің ғалымдары, қоғам қайраткерлері және т.б. қатысты.

Ғалым Нұрмағамбетұлы өз сөзінде ізеттілік қағидаттары қазіргі таңда өте өзекті, ізеттілік бірқатар әлеуметтік құндылықтар ретінде жастарымызды рухани-адамгершілік тәрбиелеудің әдіснамалық негізі екенін атап өтті. Ол этносаралық қатынастар саласындағы жұмыстың басым бағыттарына тоқталып, этносаралық салада кемсітушіліктің, ксенофобияның және «араздық тілін» насихаттаудың кез келген нысанына жол берілмейтінін, этносаралық немесе тілдік негізде түрлі арандатуларға қарсы иммунитетті қалыптастыруға тұрақты негізде үлес қосуы тиіс ғылыми-сараптамалық қоғамдастықтың, Ассамблея мүшелерінің, ақсақалдар мен қоғам қайраткерлерінің маңыздылығын айтты.

Конференцияның қорытындысы бойынша спикерлер қазақ халқының дәстүрі мен мәдени тәжірибелерін озық практикаларын, яғни, материалдық емес мәдени мұрамызды заманауи қажеттіліктер мен талаптарға сай тұрмыстық қолданысқа айналдыру, «Жаңа Қазақстан» идеясының аясында рухты өркениетті қоғамды дамыту қажеттілігін айтып өті.

• 09.06.2023
• 226