Дүнген этносының қазақ жеріне қоныс аударуына 145 жыл толуына орай «Қазақстан – ортақ Отанымыз» атты іс-шара өтті

Жамбыл облысы, Қордай ауданында Дүнген этносының қазақ жеріне қоныс аударуына 145 жыл толуына орай «Қазақстан – ортақ Отанымыз» атты іс-шара өтіп, шараға ҚР Қазақстан халқы Ассамблеясы төрағасының орынбасары, Қазақстан халқы Ассамблеясы хатшылығының меңгерушісі Марат Әзілханов, ҚР Ақпарат және қоғамдық даму министрілігінің этносаралық қатынастарды дамыту комитеті төрағасы Ғалым Шойкин, Жамбыл облысы әкімінің міндетін атқарушы Нұржан Календеров, ҚР Парламенті Сенаты депутаты Закиржан Кузиев, Геннадий Шиповских, ҚР Парламенті Мәжілісінің депутаты Гүлдара Нұрымова, ҚР Парламенті Мәжілісінің  депутаты Мұқаш Ескендіров, Қырғызстан Республикасы Жоғарғы Кеңесі депутаты Лейла Лурова, ҚР Парламенті Мәжілісінің VII шақырылым депутаты Сауытбек Әбдірахманов және т.б. қатысты.

Іс-шара Масаншы ауылындағы «Қазақ халқына алғыс» ескерткішіне гүл шоқтарын қою рәсімімен бастау алып, іс-шара бағдарламасы шеңберінде Әл-Фараби атындағы № 50 мектеп аумағында тақырыптық 5 киіз үйі тігіліп, көрме алаңы, спорттық шаралар ұйымдастырылып, «Халық бірлігі - әділетті Қазақстанның негізі» атты салтанатты жиынымен жалғасты.

Салтанатты жиынның ашылуында Марат Әзілханов жиналған қауымды айтулы күнмен құтықтап, Қазақстан халқы Ассамблеясының «Алғыс» төсбелгісімен М.У.Паншаевты, З.М.Муханзаеваны және алғыс хатпен А.А.Семжановты, М.К.Усербаевты, А.М.Чонтейді, А.Я.Туншанлоны, С.Л.Чиваны марапаттады.

Салтанатты жиын, Ғалым Шойкиннің этносаралық келісім мен Қазақстан халқының бірлігін қамтамасыз етуге қосқан зор үлесі үшін, бірқатар азаматтарға «ҚР Ақпарат және қоғамдық даму министрінің» алғыс хатын табыстауымен және мерекелік іс-шараға қатысушыларды құтықтауымен жалғасын тапты.

Ғалым Шойкин өз сөзінде қазақстандықтардың барлық алдыңғы ұрпақтары біздің Отанымыз - Қазақстан Республикасының негізіне этностар арасындағы достық пен келісімнің қуатты іргетасын қаланғанын. Біздің ата-бабаларымыз бізге ең маңызды өсиет – қазақстандықтардың болашақ ұрпақтары үшін бейбітшілік пен келісімді сақтау аманатын қалдырғанын. Біз оны тек этностардың бірегейлігін, дәстүрлері мен мәдениеттерін құрметтеу, барлық азаматтардың құқықтарының теңдігін сақтау, Отанға деген патриоттық сезімді тәрбиелеу, этносаралық толеранттылық пен азаматтық құндылықтарды дамыту және этностарды интеграциялау арқылы біртұтас қазақстандық ұлтты қалыптастыра аламыз – деп атап өтті.

Сондай-ақ, Қордай ауданының тұрғындарына Жамбыл облысы әкімінің Облысқа сіңірген еңбегі үшін белгісі, Құрмет грамотасы, Алғыс хаты табыс етілді.

• 12.06.2023
• 170