Қазақстан Республикасы Энергетика министрлігі Атом және энергетикалық қадағалау және бақылау комитеті өкілдерінің Ақмола облысына 2023 – 2024 жылдардағы жылыту маусымына дайындық бойынша жұмыс сапары

2023 жылғы 12 маусымда өңірдің энергетикалық кәсіпорындарының алдағы 2023-2024 жылдардағы күзгі-қысқы кезеңге әзірлігін бақылауды жүзеге асыру аясында ҚР Энергетика министрлігі Атомдық және энергетикалық қадағалау мен бақылау комитетінің төрағасы Сұңғат Есімхановтың Ақмола облысына жұмыс сапары өтті.

Сапар барысында «Степногор ЖЭО» ЖШС және Көкшетау қаласындағы № 1 және 2 аудандық қазандықтарға барды.

«Степногорск ЖЭО» ЖШС-да бекітілген жөндеу графигіне сәйкес, 2023 жылға №6 және 7 қазандық агрегаттарында күрделі жөндеу жүргізу, №3 қазандық агрегатының ағымдағы жөндеу жұмыстарын жүргізу жоспарланған. Қазіргі уақытта №3 және 7 қазандық агрегаттарын жөндеу, №4 турбоагрегатын ағымдағы жөндеу және №5 қазандық агрегатын авариялық жөндеу жұмыстары жүргізіліп жатыр. Қалған негізгі және қосалқы жабдықтар бойынша ағымдағы жөндеу жұмыстары жоспарланған.

Энергия көзінің басшылығы талқылау қорытындысы бойынша №3 қазандық агрегаты 20 сәуірден бастап 20 күнге жоспарланған мерзімнен кейін жөндеуге шығарылғанын атап өтті. №7 қазандық агрегаты бойынша жөндеу 3 ай бұрын басталды, бірақ қосымша жөндеу көлеміне байланысты аяқтау мерзімі 2,5 айға ауыстырылды және 16 маусымға дейін жоспарланған. Осыған байланысты 1 маусымнан бастап №6 қазандық агрегаты күрделі жөндеуге шығарылмаған, аталған жөндеу бойынша артта қалушылық 13 күнді құрайды.

Сондай-ақ сапар барысында электр станциясында білікті персоналдың тапшылығы және қазандықтар мен турбиналардың машинистері, қазандықтар мен турбиналарды аралаушылар, электриктер және басқа да мамандықтар бойынша 100-ге жуық бос жұмыс орны бар екені анықталды.

Көкшетау қаласындағы №1 және 2 аудандық қазандықтарда «ПромЭнергоНаладка» ЖШС мердігерлік ұйымы жылу беттерін ауыстыру бойынша № 8, 9 және 10 қазандық агрегаттарында жұмыс жүргізуде. № 8 және 9 қазандық агрегаттарында ауа жылытқыш текшелерін ауыстыру бойынша жұмыстар аяқталды, сондай-ақ № 1 қазандықта № 7 қазандық агрегатына ағымдағы жөндеу жүргізіліп жатыр. 

Объектілер басшылығына және Ақмола облысы бойынша аумақтық департаментіне бару қорытындысы бойынша орындалатын жөндеу жұмыстарының сапасына тұрақты бақылауды қамтамасыз ету, сондай-ақ 2023-2024 жылдардағы күзгі-қысқы кезеңнің басына дейін отын қорының жинақталуын қамтамасыз ету қажеттігі туралы тиісті тапсырмалар берілді.

Облыстың энергетикалық кәсіпорындарының 2023 – 2024 жылдардағы күзгі-қысқы кезеңге дайындық барысы Қазақстан Республикасы Энергетика министрлігі Атомдық және энергетикалық қадағалау мен бақылау Комитетінің тұрақты бақылауында тұр.

• 13.06.2023
• 194