Маңғыстауда кәсіпкерлікті дамыту бойынша жобалардың іске асырылу барысы талқыланды

13 маусымда өңір басшысы Нұрлан Ноғаевтың төрағалығымен аппараттық кеңес өтті, оның барысында өңірді әлеуметтік-экономикалық дамыту жөніндегі 2021-2025 жылдарға арналған кешенді іс-шаралар жоспарын орындау мәселелері, оның ішінде басым бағыттардың бірі бизнесті қолдау шаралары қаралды, деп хабарлайды Маңғыстау облысы әкімінің баспасөз қызметі. 

Маңғыстау облысы әкімдігінде өткен аппараттық кеңесте өңірдің әлеуметтік-экономикалық дамуы жөніндегі 2021-2025 жылдарға арналған кешенді іс-шаралар жоспарын орындау бойынша атқарылған жұмыстар туралы баяндалды. 

Кәсіпкерлікті дамыту бағытындағы жобалардың бірі Түпқараған ауданы Ақшұқыр ауылында "Алтынфуд" супермаркетін салу және пайдалануға беру болды. Жоба 2021 жылдың желтоқсанында іске қосылған. 
Сондай-ақ, Мұнайлы ауданында азық-түлік қоймасы объектісінің құрылысын толық аяқтаған. 

Сонымен қатар, Ақтауда 31 шағын ауданда орналасқан "Хазар" базарын іске қосылған. Сауда алаңының жалпы ауданы 11000 шаршы метрді құрайды, жобаны жүзеге асырудың аясында 150 жаңа жұмыс орны құрылған. 

Қазақстан президенті Қасым-Жомарт Тоқаевтың тапсырмасы бойынша 2025 жылға дейін Ақтаудағы коммуналдық базар құрылысының жобасын іске асыру жоспарланған. Қазіргі уақытта Ақтау қаласының әкімдігі мен "Ақтауавтослав" ЖШС арасында меморандум жасалған. Қол қойылған келісім аясында Ақтауда коммуналдық базар мен автовокзалдың құрылысы басталған. Орталықта жергілікті ауыл шаруашылығы өндірушілеріне арналған сауда орындары, сондай-ақ қалааралық және қала маңындағы маршруттарға қызмет көрсететін көлік құралдарына арналған автотұрақ ұсынылады. 

Кәсіпкерлікті дамыту саласында белсенді жұмыстар Жаңаөзен қаласында да, жүзеге асырылуда, онда мобильді дүкендер салу жоспарланған. Павильондарға арналған жер учаскелері кәсіпкерлерге аукционда берілген. Екі нысанның құрылысы толығымен аяқталған. Қалған нысандар бойынша кәсіпкерлерге уақытылы іске асыру және мемлекеттік қолдау тетіктері бойынша түсіндіру жұмыстары жүргізілуде.

Сонымен қатар, Ақтауда Мемлекет басшысының тапсырмасы бойынша 36 шағынауданда орналасқан көтерме-тарату орталығының құрылысы жалғасуда. Орындалған жұмыстардың аяқталу деңгейі 70% - ға жеткен. 
Мұнайлы ауданы Маңғыстау ауылында көп салалы 5 блоктан тұратын сауда орталығының құрылысы жүргізілуде. Сауда алаңының жалпы ауданы - 5000 шаршы метр. 

- Аймақ үшін әлеуметтік-экономикалық маңызы бар жоспарланған жобалар белгіленген мерзімдерге сәйкес пайдалануға берілуі тиіс. Олардың іске асырылу деңгейі еңбек нарығындағы және азық-түлік нарығындағы баға саясатына әсер етеді. Жалпы, статистикалық деректер кәсіпкерлер санының өскенін көрсетеді. Бұл халықтың бизнеске бет бұра бастағанын, кәсіпкерлерге қолдау ретінде мемлекет ұсынатын құралдар туралы көбірек адамдар біле бастағанын көрсетеді,- деді өңір басшысы Нұрлан Ноғаев.

• 14.06.2023
• 170