Саран қаласының тұрғындарымен кездестім. Кездесу барысында қаладағы ТКШ, медицина және білім беру мәселелерін талқыладық

Саран тұрғындары жолдарды, үйлердің қасбеттерін жөндеуді, ескерткіштер мен аула алаңдарын ретке келтіруді сұрады. Бүгінде қаладағы 44 ауланың 37-сі жөнделді. Қалғандары биылғы жылы абаттандырылады. Қазіргі уақытта қаланы асфальттау және жарықтандыру жұмыстары жалғасуда. Абаттандыруға келетін болсақ, «Халық қатысатын бюджет» жобасы бойынша «Сұңқар» саябағында демалуға арналған үш алаң пайда болады.

РТИ ауданының даму мәселелерін де талқыладық. Шағын ауданды қалпына келтіру жалғасуда, жұмыстар 19 үй бойынша жүргізілуде. Олардың үшеуі бюджет есебінен, 16 – сы жеке инвестициялар есебінен жөнделеді. Сапар барысында индустриалды аймақ қызметкерлеріне арналып салынып жатқан жатақханада болдым. Сондай-ақ халық санының артуына байланысты мұнда балабақшаны салу жоспарда бар.

Саранның орталық жылу беру ғимаратында төрт қазандық орнатылып, қажетті жабдықтар сатып алынуда. Мердігерге барлық жұмыстарды тиісті мерзімде аяқтауды тапсырдым.

Алдағы уақытта тұрғындардың мәселелері өз шешімін табатын болады. Әрине, бәрін бірден жасау мүмкін емес. Бірақ біз қалада жайлы өмір сүру үшін қажетті жұмыстардың бәрін жасайтын боламыз.

• 14.06.2023
• 212