Үкіметтің 2022 жылғы республикалық бюджеттің атқарылуы туралы есебі

Бүгін Қазақстан Республикасы Премьер-Министрінің орынбасары - Қаржы министрі Ерұлан Жамаубаев Сенаттың жалпы отырысында Үкіметтің 2022 жылғы республикалық бюджеттің атқарылуы туралы есебін ұсынды.

Өз сөзінде Е.Жамаубаев жалпы ішкі өнімнің өсімі 3,3% құрағанын атап өтті.

Республикалық бюджеттің кірістері бойынша Жоспар 102,1% - ке атқарылып, 16,1 трлн. теңгені құрады.

Меншікті кірістері бойынша жоспар 103% - ке асыра орындалды

Шығыстар 98,6% игеріліп, 18,5 трлн. теңгені құрады. Сонымен қатар, тек әлеуметтік шығыстар 2021 жылмен салыстырғанда 987 млрд. теңгеге ұлғайып, 8,5 трлн. теңгені құрады.

Жалпы, 2022 жылы бюджет шығыстары 56 стратегиялық бағыт бойынша жұмсалды.

Мәселен, 15,4 млн. шаршы метр тұрғын үй пайдалануға берілді. 131 мыңға жуық отбасы тұрғын үй жағдайын жақсартты.

136 мың оқушы орны бар 247 жаңа мектеп пайдалануға берілді. 1 003 мектеп жаңғыртылды. Мектеп құрылысы есебінен 10,5 мыңға жуық жұмыс орны, оның ішінде 6,7 мың тұрақты жұмыс орны құрылды.

35 алғашқы медициналық-санитарлық көмек нысаны салынып, қолдануға берілді.

Ауыл шаруашылығы тауарларын өндірушілері 17 мыңнан астам техника сатып алды.

Барлық әлеуметтік міндеттемелерді толық көлемде орындау қамтамасыз етілді.

Сөз соңында, Ерұлан Жамаубаев Жоғары Аудиторлық палата мемлекеттік жоспарлау жүйесіндегі, бюджеттің кіріс бөлігінің орындалуы мен мемлекеттік қаражатты пайдалану тиімділігіндегі бірқатар проблемалық мәселелерді атап өткенін мәлімдеді.
Жалпы, квазимемлекеттік сектор субъектілерінің қаражатын игеруге мониторинг жасау жөніндегі жүргізілетін саясат жаңа Бюджет кодексінің жобасы шеңберінде шешіледі, сондай-ақ мемлекеттік борышты басқару белгіленген қаржылық шектеулерді қатаң сақтаумен жүзеге асырылатын болады.

• 15.06.2023
• 159