ҰЭМ басшысы «Жарты жол еңсерілді, бірақ әлі де арттамыз: 2030 жылға дейінгі кезеңге арналған күн тәртібінің қорытындысын шығару» атты сессиясына қатысты

Астана халықаралық форумы

Ұлттық экономика министрі Әлібек Қуантыров өз сөзінде қазіргі жағдайда экономиканың өсуі неғұрлым прогрессивті тетіктерді талап ететінін атап өтті. Сондықтан Қазақстан, БҰҰ-ға мүше басқа елдер сияқты, Тұрақты даму мақсаттары бойынша ұстанымын растады.

Ә.Қуантыров

«Қабылданған міндеттемелерді тиімді іске асыру үшін ҚР Премьер-Министрінің төрағалығымен Тұрақты даму мақсаттары жөніндегі үйлестіру кеңесі құрылды, ТДМ-ды іске асыру жөніндегі комиссия жұмыс істейді, заңнамалық база құрылды. 2021-2025 жылдарға арналған Тұрақты даму мақсатындағы ынтымақтастықтың негіздемелік бағдарламасы іске асырылуда. Өткен жылы БҰҰДБ-ның Қазақстан үшін 2025 жылға дейінгі Елдік бағдарламасын бірлесіп қаржыландыру туралы келісімге қол қойылды».

2022 жылы «Тұрақты даму мақсаттары бойынша Прогресс индексі» рейтингі бойынша Қазақстан 2019 жылмен салыстырғанда 77-ші орыннан 65-ші орынға көтеріліп, позициясын 12 тармаққа жақсартты.

Ә.Қуантыровтың айтуынша, 2022 жылы Қазақстан Нью-Йорк қаласында екінші Ерікті ұлттық шолуды таныстырды. Халықаралық қоғамдастық өкілдері мен Форумға қатысушылар біздің елімізде ТДМ іске асыру процесін жоғары бағалады.

Сонымен қатар, өткен жылы Алматы қаласында Орталық Азия елдері үкімет басшыларының қатысуымен Тұрақты даму мақсаттары бойынша екінші өңірлік Саммит өткізілді. Алматыда Орталық Азия мен Ауғанстан үшін Тұрақты даму мақсаттары бойынша БҰҰ-ның өңірлік орталығын ашу жоспарлануда.

Сондай-ақ, министр Қазақстанда климаттың өзгеруіне төзімді экономикалық дамудың жаңа моделі құрылып жатқанын еске салды.

Ә.Қуантыров

«2060 жылға дейін көміртегі бейтараптығына қол жеткізу Стратегиясы бекітілді, 2022-2025 жылдарға арналған көміртегі квоталарының Ұлттық жоспары қабылданды, жаңа Экологиялық кодекс бекітілді. Бұл шаралар 2030 жылға қарай Париж келісімінің міндеттемелерін орындауға мүмкіндік береді».

• 16.06.2023
• 140