Энергетикалық қадағалау комитеті Павлодар облысындағы жөндеу жұмыстарының барысын тексерді

2023 жылғы 16 маусымда Қазақстан Республикасы Энергетика министрлігі Атомдық және энергетикалық қадағалау мен бақылау комитетінің төрағасы Сұңғат Есімхановтың Павлодар облысына 2023-2024 жж. жылыту маусымына дайындық барысын бақылау бойынша жұмыс сапары өтті.

Төраға «Павлодарэнерго» АҚ ЖЭО-2, ЖЭО-3, «Қазақстан Алюминийі» акционерлік қоғамы – «Электр станциясы» филиалының ЖЭО-1, «Еуроазиаттық энергетикалық корпорациясы» АҚ электр станциясында болып, онда энергетикалық жабдықтың ағымдағы жай-күйімен, жөндеу науқанының өтуімен танысты. Энергия кәсіпорындарының басшылығымен жылыту маусымынан өтудің өзекті мәселелері, оның ішінде қазандықтардың авариялық аялдамалары, алдағы жылыту маусымына дайындық шеңберінде жөндеу жұмыстарын уақтылы, сапалы жүргізу тәуекелдері талқыланды.

«Еуроазиаттық энергетикалық корпорациясы» АҚ басшылығына артта қалып жүргізіліп жатқан 8Б қазандығын күрделі жөндеу жұмыстарын жеделдету қажеттігін, «KEGOC» АҚ-мен бірлесіп ағымдағы жылғы 7 маусымда болған 110 кВ ашық тарату құрылғысындағы авариялық жағдайдың себептерін талдауды және отын беру трактісі жұмысының сенімділігін арттыруды атап өтті.

«Павлодарэнерго» АҚ ЖЭО-2-де ағымдағы жылдың 1 шілдесіне дейін № 1 қазандық жөнделуде, орындалуы 80 %-ды  құрайды, 32 адам жұмылдырылған. № 2 турбинаны жөндеуді ағымдағы жылдың 13 тамызында аяқтау жоспарлануда. № 3 қазандық пен № 3 турбинаны жөндеу мерзімі келмеді.

«Павлодарэнерго» АҚ ЖЭО-3-те № 4 қазандық және № 3 турбина бойынша күрделі жөндеу жұмыстары аяқталғаннан кейін іске қосу-реттеу операциялары жүргізіледі. № 2 қазандықты ағымдағы жылдың 19 маусымынан, № 6 қазандықты ағымдағы жылдың 18 тамызынан, № 2 турбинаны ағымдағы жылдың 15 тамызынан жөндеу басталады. Сондай-ақ ағымдағы жылдың 1 шілдесі мен 7 шілдесі аралығында ЖЭО-ны толығымен тоқтата отырып, түтін құбырын ішкі тексеру жоспарлануда.

«Павлодарэнерго» АҚ басшылығына «Богатырь Көмір» ЖШС алдындағы көмір үшін берешекті қысқарту қажеттілігі көрсетілген, ол 2,5 млрд.теңгені құрайды.

«Қазақстан алюминийі» АҚ филиалының ЖЭО-1-де – «Электр станциясы» № 7 қазандық артта қалып жөндеуден өтуде. № 8 қазандықты жөндеуге жөндеушілерді қабылдау кешіктірілуде. Аяқталмаған конкурстық рәсімдерге байланысты 1 маусымнан бастап № 3 түтін құбырын жөндеу басталған жоқ.

ЖЭО-1-де № 6 қазандықта орнатылған Redecam компаниясының жабдықтар сүзгісі бойынша іске қосу-реттеу жұмыстары жүргізіліп жатқаны атап өтілді. Бұл елдің көмір энергетикасындағы пилоттық күл ұстайтын қондырғы. 2023 жылдың үшінші тоқсанында пайдалануға беру жоспарланып отыр. Жаңа экологиялық жабдық бөлшектердің атмосфералық шығарындыларын 99,9% тазартуды қамтамасыз етеді, бұл еуропалық стандарттарға сәйкес келеді.

Комитет негізгі жабдықтарды жөндеу жұмыстарының барысын үнемі  қадағалап тұрақты түрде мониторинг жүргізіп отырады.

• 19.06.2023
• 195