Ақтөбеде арнайы тігін фабрикасы өз жұмысын кеңейтті

Дүйсенбі, 14 желтоқсан күні облыс әкімі Оңдасын Оразалин арнайы киім тігумен айналысатын “ӨБ Глобал-Спецодежда” ЖШС де болды. Кәсіпорын жақында қосымша тігін ғимаратын іске қосқан болатын. Мұнда жылына 1,2 млн.бұйым, арнайы киімдердің қысқы жазғы мезгілдерге арналған түрлері, , үй тоқымалары, трикотаж желілері, балалар киімдері т.б 150-ден астам өнім түрі шығаралады. Аймақ басшысы жаңа тігін фабрикасының жұмысымен танысып, жұмысшылармен кездесті. Нарықта 20 жылдан астам қызмет көрсетіп келе жатқан кәсіпорында мүмкіндігі шектеулі азаматтар, көп балалы аналардан құралған жалпы саны 200-ден астам адам еңбек етеді. Фабрика базасы заманауи құрылғылармен жабдықталған. Әр түрлі әлеуметтік топтағы азаматтар, яғни мүгедек, көп балалы аналарға стипендия төлеумен және тігіншілерді одан әрі жұмысқа орналастыруды жүргізетін «Үміт» оқу-өндірістік кешені жұмыс жасайды. Тігін фабрикасының өнімдері мұнай және өнеркәсіптік кәсіпорындардың негізгі тұтынушылары арасында сұранысқа ие. “ӨБ Глобал-Спецодежда” ЖШС биыл ҚР Президентінің “Алтын Сапа” сыйлығының иегері атанды. Облыс әкімі Оңдасын Оразалин кәсіпорын басшысы Надежда Шабаеваға өңір экономикасына қосқан үлесі үшін алғыс білдіріп, “ Жомарт жүрек” медалімен марапаттады.

• 15.12.2020
• 397