ҰЭМ басшысы халықаралық қаржы институттарының өкілдерімен бірқатар екіжақты кездесулер өткізді

Бүгін Астана қаласында Ұлттық экономика министрі – Қазақстаннан Азия даму банкінің басқарушысы Әлібек Қуантыров АДБ мемлекеттік-жекеменшік әріптестік кеңсесінің басшысы Фумико Кававакимен кездесті.

Тараптар бірлескен жобаларды іске асыру барысын талқылап, алдағы кезеңге арналған жоспарларды белгіледі. Атап айтқанда, министр Қазақстанның МЖӘ тетігі шеңберінде инфрақұрылымдық жобаларға айрықша назар аударатынын атап өтті.

«Біз АДБ-ның қатысуымен МЖӘ арқылы жүзеге асырылатын инфрақұрылымдық жобаларды қарастыруға дайынбыз. АДБ МЖӘ әдістемесін әзірлеудегі басты әріптесіміз болып табылады. Сіздердің қолдауларыңызбен барлық рәсімдер мен жобалар ашық көрсетілетін жаңа платформа іске қосылды» - деді Ә.Қуантыров.

Өз кезегінде, АДБ делегациясы Қазақстанмен ынтымақтастықты одан әрі арттыруға дайын екенін жеткізді.

Сондай-ақ, Ә.Қуантыров Еуропа қайта құру және даму банкінің ШОБ-ты қаржыландыру және дамыту департаментінің Орталық Азия мен Моңғолиядағы өңірлік басшысы Хольгер Вифельмен кездесу өткізді.

Тараптар ЕҚДБ мен ҚР арасындағы өзара іс-қимылдың басты бағыттарын талқылады. Сонымен қатар, ҰЭМ басшысы Вифель мырзаға көпжылғы ынтымақтастық үшін алғысын білдіріп, жұмысына табыс тіледі. Өз кезегінде, ЕҚДБ өкілі ҚР Үкіметін Үлкен Алматы айналма автожолының іске қосылуымен құттықтады.

Хольгер Вифель Тәжікстандағы Еуропа қайта құру және даму банкінің (ЕҚДБ) басшысы болып тағайындалды. Жақын арада ол өз міндетіне кіріседі.

• 22.06.2023
• 204