Германияның Федералды Президентінің Қазақстанға мемлекеттік сапары барысында келесі құжатқа қол қойылды:

Қазақстан Республикасының Ұлттық экономика министрлігі мен Германия Федеративтік Республикасының Федералдық экономика және климат министрлігі арасындағы Қазақстаннан кәсіпорындар басшыларының біліктілігін арттыру жөніндегі ынтымақтастық жөніндегі ниеттер туралы бірлескен мәлімдеме.

2021-2025 жылдарға арналған кәсіпкерлікті дамыту жөніндегі Ұлттық жоба шеңберінде халықаралық ұйымдардың қолдауымен шетелдік әріптестермен іскерлік байланыстар орнату есебінен кәсіпкерлерге қолдау көрсетуге бағытталған "Іскерлік байланыстар" құралы іске асырылуда.

Ол ҚР аумағында неміс бизнес жаттықтырушыларын тарта отырып, онлайн оқытуды, сондай-ақ Германия Федеративтік Республикасында бір апталық тақырыптық бизнес-тағылымдаманы көздейді.

Шетелдік ұйым ретінде Германияның халықаралық ынтымақтастық жөніндегі Қоғамы (GIZ) әрекет етеді. Ол Федералдық экономика және климат министрлігі қаржыландыратын басқарушы кадрларды даярлау бағдарламасының бас менеджері қызметін атқарады.

Тағылымдама барысында қатысушылар ұқсас бейіндегі неміс кәсіпорындарына баруға, нақты басқару мәселелерін зерделеуге, технологиялар трансферті, жабдықтар сатып алу, тауарларды, жұмыстар мен қызметтерді өзара жеткізу, франшизалар сатып алу, бірлескен кәсіпорындар құру мәселелері бойынша жеке іскерлік байланыстар орнатуға мүмкіндік алады.

2016 жылдан бастап 2 мыңнан астам кәсіпкер оқудан өтті.

• 22.06.2023
• 205