ҚР ҰЭМ басшысы ведомство ұжымын Қазақстан Республикасының Тәуелсіздік күнімен құттықтады

ҚР Ұлттық экономика министрі Руслан Дәленов Ұлттық экономика министрлігінің ұжымын еліміздің басты мерекелерінің бірі – Қазақстан Республикасының Тәуелсіздік күнімен құттықтады.

Министр өз сөзінде тәуелсіздік алған сәттен бастап біздің халқымыз Қазақстанның ұлы тарихын жаңа жетістіктермен және табысты өзгерістермен тамаша жалғастырғанын атап өтті.

«Қазақстанның басты байлығы мен құндылығы – оның Тәуелсіздігі. Тәуелсіздік пен егемендікті нығайту қазақ халқының маңызды басымдығына айналды. Бұл мереке мемлекетіміздің бостандығы мен күш - қуатының, қоғамымыздың әр мүшесінің жетістігі мен табысының символы болып саналады», - деді министр.

Салтанатты шара Министрліктің айрықша көзге түскен қызметкерлеріне бірқатар мемлекеттік, ведомстволық және өзге де наградаларды тапсырумен жалғасты.

• 15.12.2020
• 363