Ақмола облысында «Ел Үміті» жобасының қорытындысы шығарылды

         2020 жылдың 15 желтоқсанында облыс әкімі Ермек Маржықпаев «Ел Үміті» бастамасының үздік қатысушылары мен жүлдегерлерін марапаттады.

         Еліміздің дарынды балалары мен жастарын анықтауға және қолдауға, сондай-ақ кәсіби мамандарды дамытуға бағытталған «Ел Үміті» бастамасын Қазақстан Республикасының Тұңғыш Президенті Нұрсұлтан Назарбаев 2019 жылы ұсынған болатын.

         Елбасының қамқорлығымен іске асырылатын талантты және бәсекеге қабілетті жастарды тәрбиелеу жөніндегі бірегей бағдарламадан тұратын жалпыұлттық бастама – «Елбасы медалі», ауыл оқушыларына арналған «Мың бала» ұлттық олимпиадасы, салалық көшбасшыларды даярлау бағдарламасы және басқа да жобалар жастар арасында өзінің қажеттілігін дәлелдеді.

         Өңір басшысы Ақмола облысынан «Елбасы медалі» бағдарламасының 10 қатысушысына қола медаль табыстады.

         «Біздің тәуелсіздік ұрпағымыз уақыттың барлық сын - қатерлеріне лайықты жауап беріп, әрбір қазақстандық отбасында бақуаттылық пен өркендеуді қамтамасыз ететініне сенімдімін», - деп атап өтті Ермек Маржықпаев.

         «Елбасы медалі» - 14-29 жас аралығындағы жастарға арналған жоба, ол жеті бағыт: спорт, таланттар мен дағдылар, кітап оқу, ұлттық мұра, волонтерлік, экспедициялар мен жорықтар, еңбек практикасы бойынша даму бағдарламасын көздейді.

          Сондай-ақ, марапаттау аясында облыс әкімі Тұңғыш Президент қорынан «Мың бала» ұлттық олимпиадасының төртінші финалистеріне, Зеренді, Атбасар аудандарынан, Біржан Сал аудандарынан келген және Көкшетау оқушыларына ноутбуктер табыстады.

          «Ел Үміті» бастамасының жобаларымен жалпы қамту шамамен 1,5 миллион адамды құрайды, олар оқушылар, студенттер, ата-аналар, педагогтар, жұмыс істейтін жастар және кәсіпқойлар.

• 15.12.2020
• 354