Премьер-Министрдің орынбасары – Қаржы министрі Ерұлан Жамаубаев "Аманат" партиясы мәслихаттары депутаттарының форумында әлеуметтік-экономикалық дамудың негізгі көрсеткіштері туралы баяндама жасады.

Өз сөзінде ол сыртқы факторларға қарамастан, ағымдағы жылдың 5 айының қорытындысы бойынша жалпы ішкі өнімінің 4,5%-ке өсуі байқалатынын атап өтті. Негізгі үлесті өңдеу өнеркәсібі салалары қосады (3,3%).

Құрылыс саласы 12,1%-ке артты. Ауыл шаруашылығында шамамен 3,5% өсім байқалады.
Қызмет көрсету секторы шамамен 4,9%-ке ұлғайды. Бұл өсім сауда – 10,2%, ақпарат және байланыс – 9,1% және көлік – 7,2% есебінен қамтамасыз етілді.

Негізгі капиталға салынған инвестициялар 17,2%-ке артты. Атап айтқанда, көлік саласында – 56,1%, ауыл шаруашылығы – 30,8%, өнеркәсіпте-15,7%, оның ішінде тау-кен өндіру өнеркәсібі-13,4%.

Мемлекеттік бюджетке 8 трлн. теңге түсті. Жоспар 103,0% орындалды.
Мемлекеттік бюджеттің шығыстары 98,5%-ке, Республикалық бюджеттің шығыстары 98,8%-ке, жергілікті бюджеттердің шығыстары 98,9%-ке орындалды.

Өңірлерді дамытуға республикалық бюджеттен 7 трлн теңге сомасында трансферттер бөлінді.

«Ауыл аманаты» жобасы аясында ағымдағы жылы халықтың табысын арттыру жөніндегі іс-шараларға 100 млрд.теңге бөлінді. «Ауыл – ел бесігі» бағдарламасы бойынша 900 ауылда 200 млрд.теңге сомасына жобалар іске асырылуда.

Бизнес-қоғамдастықпен бірлесіп жаңа бюджет және Салық кодекстерін әзірлеу бойынша жұмыстар жүргізілуде.

Өз сөзінің соңында Ерұлан Жамаубаев көлеңкелі экономиканы төмендету, заңнамалық базаны жетілдіру, салықтық және кедендік әкімшілендіруді одан әрі цифрландыру бойынша кешенді жұмыстар жүргізіліп жатқанын атап өтті.

Жалпы, соңғы 4 жылда салық-кедендік әкімшілендіруді жетілдірудің арқасында бюджетке 3 трлн. теңгеден астам қосымша қаражат түсті.

• 30.06.2023
• 190