ҚР Ұлттық экономика министрлігінде жаңа мемлекеттік қызметшілер ант қабылдады

Бүгін ҰЭМ басшысы Әлібек Қуантыров ведомство қызметкерлерін кәсіби мерекелерімен құттықтап, "Үздік мемлекеттік қызметші" төсбелгісін табыс етті.

«Бүгін біздің қатарымыз жаңа буын мемлекеттік қызметшілермен толықты. Өздеріңізге мәлім, бұл қызметте моральдық жауапкершілікті, кәсіби білімді іс жүзінде қолдана білу керек. Сіздерге мұқалмас жігер, қайтпас қажыр, әр отбасыға бақ-береке, халыққа қызмет ету жолындағы адал еңбектеріңізге сәттілік тілеймін», - деді министр.

Мемлекеттік қызметті дамытуға қосқан елеулі үлесі үшін «Үздік мемлекеттік қызметші» төсбелгісімен:

ҚР ҰЭМ Инвестициялық саясат департаментінің директоры Әлия Есдәулетова

Павлодар облысы бойынша ТМРК департаменті басшысының орынбасары Камилла Байғожанова марапатталды.

Сондай-ақ, мерекелік шара барысында бірқатар қызметкерлер алғыс хаттармен марапатталды.

ҚР ҰЭМ ұжымы әріптестерін және барлық мемлекеттік қызметшілерді кәсіби мерекелерімен құттықтайды!

• 01.07.2023
• 145