Ақмола облысында мектептің өзін-өзі басқару көшбасшылары арасында облыстық байқау өтті

Ақмола облысы білім басқармасының «Ақмола дарыны» дарынды балалар мен талантты жастарды анықтау және қолдау жөніндегі орталығы мектеп парламентінің үздік Президентіне арналған «Үздік Ұланбасы – 2023» облыстық байқауын өткізді.

Байқаудың мақсаты – өскелең жас ұрпақтың бойында патриоттық, білім мен өзін-өзі жетілдіруге деген құштарлық, беріктік, жауапкершілікті қалыптастыру, көшбасшылық қабілеттері бар жасөспірімдерді анықтау және олардың көшбасшылық мүмкіндіктерінің дамуына жол ашу болып табылады.

Байқауға 13 ауданынан, Көкшетау, Степногорск, Қосшы қалаларынан және Абай атындағы дарынды балаларға арналған №3 облыстық мамандандырылған мектеп интернатынан, Щучинск қаласы, «Білім – Инновация» ІТ лицей – интернатынан іріктеу кезеңдерінің жеңімпаздары жалпы саны 18 ұланбасы қатысты.

Байқаудың қорытындысы бойынша төмендегідей жеңімпаздар анықталды:

1 орын – Щучинск қаласы, «Білім – Инновация» ІТ лицей – интернатының Ұланбасысы Касымова Милана;

2 орын – Жақсы ауданының Ұланбасысы Хамзина Аида;

2 орын – Қосшы қаласының Ұланбасысы Мусаева Ақбота;

3 орын – Целиноград ауданының Ұланбасысы Тиналинова Томирис;

3 орын –Атбасар аудананың Ұланбасысы Каблуков Артем;

3 орын - Есіл ауданының Ұланбасысы Волынкина Анжела;

«Креативтік көшбасшы» номинацисы – Бурабай ауданының Ұланбасысы Муслимова Камила;

«Сегіз қырлы, бір сырлы» номинациясы – Степногорск қаласының Ұланбасысы Айған Меруерт иеленді.

Байқау жеңімпаздары дипломдармен және сыйлықтармен марапатталды. Барлық қатысушыларға қатысқандары үшін сертификат және естелік сыйлықтар табысталды.

• 02.07.2023
• 195