Ермек Маржықпаев Жарқайың ауданының тұрғындарымен кездесу өткізді

Ауданның оң даму қарқыны туралы Ақмола облысының әкімі Ермек Маржықпаев Жарқайың ауданы тұрғындарының жыл сайынғы есептік кездесуінде айтып берді.

Ауданның агроөнеркәсіптік кешені облыстағы перспективалы кешендердің бірі болып табылады.

Елді мекеннің ауыл шаруашылығы өнімінің жалпы шығарылымы рекордтық көлемге 90 млрд.теңгеге жетті, 2021 жылға қарай өсім 2 есеге артты. 678 мың тоннаға жуық дәнді дақылдар жиналды. Бұл көрсеткіш облыста үздік болып табылады.

Ауданда ет өндірісі 3,2 мың тоннаға, 11 мың тоннадан астам сүт өндірілді.

2022 жылы астық қоймасын салу және жерді суару бойынша жалпы сомасы 783 млн.теңгеге 3 инвестициялық жоба іске асырылды.

Ағымдағы жылы сүт мал шаруашылығы, сүт өнімдерін өңдеу және астық қоймаларын салу бойынша 1,3 млрд.теңге сомасына 4 инвестициялық жобаны іске асыру жоспарланған.

Тіршілікті қамтамасыз ететін инфрақұрылымды жақсарту бойынша жұмыстар жүргізілуде. Өткен жылы 8,6 шақырымға жуық автожол жөнделді. Державинск қаласында жолдар жөнделді. Отрадное ауылының көше-жол желісін жөндеу басталды.

Биылғы жылы жалпы ұзындығы 16 км жолды жөндеуге қаражат бөлінді, Державинск қаласында, Тассуат, Далабай, Гастелло, Пятигорское ауылдарында жолды жөндеу жоспарланған.

Жылуды сапалы жеткізу үшін Державинск қаласының инженерлік жылумен жабдықтау желілеріне жөндеу жүргізілді. Ағымдағы жылы жылу желілерін аудан орталығына қайта жаңартуға және блоктық-модульдік қазандықты сатып алуға 298 млн.теңге бөлінді.

Аудан тұрғындарын толғандыратын мәселелердің бірі сумен жабдықтау жағдайы болып қала береді.

Аудандық орталықтың сумен жабдықтау жүйесін қайта жаңарту жұмыстары жүргізілуде. Шойындыкөл ауылы сумен жабдықтау жүйесін қайта жаңарту жұмыстары жүргізілуде.

Державинск, Уәлиханов, Үшқарасу ауылдық округтерінде сумен жабдықтаудың инженерлік желілерін жөндеуге қаражат бөлінді.

Әлеуметтік саланы дамытуға көп көңіл бөлінді.

Уәлиханов ауылында көпфункционалды спорт алаңы, сондай-ақ Пригородное ауылының мәдениет үйінде блок-модульдік қазандық орнатылды.

Уәлиханов, Отрадное, Үшқарасу, Тассуат, Құмсуат ауылдарындағы мектептерге, Тасөткел ауылындағы балабақшаға жөндеу жүргізілді және Пятигорский ауылындағы мектеп шатырын қайта жаңарту жүргізілді.

Ағымдағы жылы білім, мәдениет саласында әлеуметтік сала объектілеріне күрделі және ағымдағы жөндеу жұмыстарын жүргізуге 320 млн.теңгеден астам қаражат қарастырылған.

Кездесу аясында тұрғындардан инфрақұрылым саласы, оның ішінде жол желісінің сапасын жақсарту, ауданның коммуналдық кәсіпорындарының жұмысы бойынша көптеген мәселелер болды.

Іс-шарадан кейін азаматтарды жеке мәселелері бойынша қабылдау өтті.

• 02.07.2023
• 131