Ақмола облысында "Phosphoris"француз компаниясының өкілдерімен кездесу өтті

Облыс әкімдігінде «Phosphoris» француз компаниясының өкілдерімен ынтымақтастық мүмкіндіктері талқыланды. Іс-шараға Ақмола облысының әкімі Ермек Маржықпаев, Қосшы қаласы қоғамдық кеңестің төрағасы Сайра Матайбаева, мүдделі мемлекеттік органдардың басшылары қатысты.

Іс-шара барысында кәсіпорын директоры Эрик Обспен қатысушыларды компания қызметімен таныстырды.

Оның айтуынша, компанияның функционалдығы екі негізгі блокқа бөлінеді – сәулет-жоспарлау, құрылыс және пайдалану, оның ішінде климаттық инженерия және жаңартылатын энергия көздеріне мамандандыру.

«Біз өз жобаларымызды қолда бар даму жоспарына бейімдеуге тырысамыз. Бізде «табиғаттағы қала немесе қала ішіндегі табиғат» тұжырымдамасы дамыған», - деп атап өтті Э. Обспен.

Айта кетейік, компанияның негізгі мамандануы – туристік аймақтарды дамыту. Кәсіпорын "Француз ауылы"- барлық маусымдық курорт тұжырымдамасының авторы. Сондай-ақ, компанияның медицина, денсаулық сақтау және білім беру саласындағы жобаларды іске асыру бойынша үлкен тәжірибесі бар.

Іске асырылған жобалардың қатарына Ресей Федерациясының Байкал тау шаңғысы курортындағы Француз ауылдары, Мамай таулары, Хубсугул көліндегі курорт, Моңғол Халық Республикасы, Лези өндірістік және туристік паркі, Қытай Халық Республикасындағы Моганшань курорттық экоауылы, Бельгияның перонна қаласындағы экоауыл кіреді. Қазір компания Париждегі олимпиадалық ауылдың құрылысына қатысуда.

• 02.07.2023
• 161