Целиноград ауданы Нұресіл ауылында жаңа көпфункционалды спорт алаңы ашылды

Целиноград ауданының құрылғанына 95 жыл толуына орай Нұресіл ауылында Целинорад ауданының Құрметті азаматы Марат Қамзебаевтың демеушілігімен көпфункционалды спорт алаңы салынып, пайдалануға берілді.

Алаңның ашылу салтанатына аудан әкімі Бахыдбек Оспанбеков қатысып, тұрғындарды құттықтады.

Барша тұрғындарды жаңа спорт алаңының ашылуымен құттықтаймын. Бұл тамаша спорт алаңы біздің балаларымыз өздерінің спорттық дағдыларын дамыта алатын, командалық жұмысты үйренетін және өзара түсіністік пен ынтымақтастықтың құнды сабақтарын үйрететін орынға айналады. Бұл сонымен қатар ересектерге өздерінің денсаулығы мен белсенді өмір салтын сақтауға арналған орын болады. Болашақта халықаралық жарыстарда еліміздің туын көтеретін чемпиондар осы алаңда өсетініне сенімдімін. Сіздерге үлкен табыс тілеймін! - деп атап өтті аудан әкімі.

Іс-шарада ауданның Құрметті азаматы Марат Қамзебаев, «Ақтық» Агрофирмасы» АҚ Бас директоры Руслан Ысқақов және басқа да қонақтары құттықтау сөз сөйледі.

Айта кетейік, аталған спорт алаңы шағын футбол, баскетбол, волейбол алаңдарымен және Workout қамтылған. Алдағы уақытта жасыл желектер отырғызылып, спорт алаңының айналасы абаттандырылатын болады.

• 02.07.2023
• 187