ҚР ПІБ МО ауруханасының Ядролық орталығында үшінші радиофармацевтикалық препарат шығарылды

ҚР ПІБ Медициналық орталығы ауруханасының жанындағы Ядролық медициналық орталық мамандары 11С-метионин радиофармацевтикалық препаратын шығару жобасын сәтті жүзеге асырды. Президенттің Іс басқарушысы Айбек Дәдебаев өзінің телеграм арнасында осылай деп хабарлады.

«ПІБ медициналық орталығының ауруханасынан жақсы жаңалық келді. Біздің ПІБ МО ядролық медицина орталығының мүмкіндіктері кеңеюде. Мұнда 11С-метиониннің өзіндік өндірісі жолға қойылды. Бұл ядролық медицина орталығы пайдалануға берілген сәттен бастап үшінші радиофармологиялық препарат", - деп жазды ПІБ басшысы.

Томографияны 11C-метионинді пайдаланып жасау мидағы қатерлі ісікті ерте диагностикалауға мүмкіндік береді, ол ісік көлемін анықтауда "алтын стандарт» ретінде мойындалған.

«Бұл, шын мәнінде, қазақстандық пациенттердің игілігі үшін жетістік", - деп атап өтті А.Дадебаев. - Әлемдік тәжірибеде, мамандардың айтуынша, ядролық медицина орталықтары жылына ең көп дегенде екі түрлі препарат өндірісін игеруде».

Өткен жылдың желтоқсан айында ПІБ МО ядролық медицина орталығының ұжымы барлық қатерлі ісіктердің 60%-на дейін танитын әмбебап радиофармпрепарат шығаруды бастады.

Ағымдағы жылдың наурыз айында сүйек метастаздарының барлық түрлерін және басқа да қатерлі сүйек түзілімдерін диагностикалау үшін препарат өндірісі басталды.

«Мен біздің физиктерімізді, химиктерімізді, инженерлерімізді, радиофармацевттерімізді, ядролық медицина орталығының дәрігерлерін, медбикелері мен санитарларын жаңа препарат өндірісінің сәтті іске қосылуымен құттықтап, отандық ядролық медицинаны дамыту бойынша жұмыста табыс тілеймін», - деп жазды ҚР Президентінің Іс басқарушысы өз жеделхатында.

Айта кетсек, ядролық медициналық орталықта осыған дейін 4 мыңға тарта адам диагностикадан өткен болатын. Олардың 95 пайыздан астамы ТМККК арқылы келді.

ҚР ПІБ баспасөз қызметі

• 02.07.2023
• 166