Ақмола облысында Ассамблея сессиясы өтті

Ақмола облысының әкімі Ермек Маржықпаевтың төрағалығымен Қазақстан халқы Ақмола Ассамблеясының XXVI сессиясының отырысы өтті.

Іс-шараға этномәдени бірлестіктердің төрағалары мен жұртшылық өкілдері қатысты.

Іс-шараны аша отырып, өңір басшысы Қазақстан Республикасы Президенті халқы Ассамблеясының 32 сессиясында қойған міндеттерін іске асырудың маңыздылығын атап өтті.

«Бір жұма бұрын «Әділетті Қазақстан – Адал азамат» ұлттық құрылтайының екінші отырысында Мемлекеттік Басшы Қасым – Жомарт Кемелұлы Тоқаев халықаралық ахуалдың беталысы көңіл көншітпейді. Сондықтан Қазақстан Республикасы бұрын-соңды болмаған деңгейде біртұтас болуы керек деп атап өтті.

Біздің ұлтымыздың сапасына, ең алдымен, болашақтың әлемдік құрылымында қандай орын алатынымыз байланысты. Егер біз мықты ел болғымыз келсе, болашағымыз қандай, ұлттық арманымыз неде, Қазақстан азаматы қандай болу керек, біздің тірек нүктелеріміз қайда, еліміздің миссиясы неде деген іргелі сұрақтарға бірге жауап табуымыз керек", - деп атап өтті Ермек Маржықпаев.

Іс – шара барысында Ассамблея қызметі туралы облыстық ақсақалдар кеңесінің төрағасы Госман Төлегул өз пікірімен бөлісті, мемлекеттік тілді дамыту туралы Көкшетау қаласы С. Жүнісова атындағы  № 18 мектеп-лицейінің қазақ тілі мен әдебиеті мұғалімі Карина Роот айтып берді., спорттың жетістіктері мен дамуы туралы Степногорск қаласының балалар-жасөспірімдер спорт мектебінің дзюдодан жаттықтырушысы Николай Дураченко айтып берді.

«Мен тағы формалды түрде жұмыс істемеуге шақырғым келеді. Патриоттықпен, жанмен қарау керек. Бейжай қарамауларыңызды сұраймын», - деп түйіндеді сөзін өңір басшысы.

Іс-шара соңында өңірдің дамуына үлес қосқан ақмолалықтарға алғыс хаттар табысталды.

• 02.07.2023
• 185